Մախսուդյան եղբայրների նկատմամբ քրեական հետապնդում, այս պահի դրությամբ, չկա

Սահմանամերձ բնակավայրում ապրող Մախսուդյան եղբայրների նկատմամբ, այս պահի դրությամբ, քրեական հետապնդում չի հարուցվել։

ՀՀ ՔԿ-ից «Փաստինֆո»-ին հայտնել են, որ ՔԿ-ում կա նախաձեռնված վարույթ՝ ՀՀ քրեական օրեսգրքի 335-րդ հոդվածի 1-ին մասի հատկանիշներով, այն է՝ ապօրինի կերպով հրազեն (բացառությամբ քաղաքացիական ողորկափող հրազենի, դրա փամփուշտների կամ դրա բաղկացուցիչ մասերի), դրա հիմնական բաղկացուցիչ մաս, ռազմամթերք, ակոսափող հրազենի փամփուշտ, պայթուցիկ նյութ կամ պայթեցման սարք ձեռք բերելը, իրացնելը, պահելը, փոխադրելը, առաքելը կամ կրելը։ Կատարվում է նախաքննություն։

Տվյալ վարութով մեկ անձի հիմնավոր կասկածի հիմքով ձերբակալելու որոշում է կայացված եղել վարույթն իրականացնող մարմնի կողմից, ավելի ուշ նրան արգելանքից ազատելու որոշում է կայացվել, արգելանքի տակ պահելու անհրաժեշտոիթյունը վերանալու հիմքով։ Տվյալ վարույթով քրեական հետապնդում որևէ անձի նկատմամաբ հարուցված չէ, - «Փաստինֆո»-ին ասաց ՀՀ քննչական կոմիտեի մամուլի խոսնակ Գոռ Աբրահամյանը։

Ինչպես արդեն հայտնել ենք՝ երեկ խուզարկություն է կատարվել պահեստազորի գնդապետ, «Տավուշը հանուն հայրենիքի» շարժման անդամ Միհրան Մախսուդյանի եղբոր՝ Եղիշե Մախսուդյանի` Ոսկեպարում գտնվող տանը։ Երկու եղբայրներն էին ձերբակալվել էին։

Միհրան Մախսուդյանին ձերբակալել էին, իբր, խուզարկությանը խոչընդոտելու համար։ Բանն այն է, որ նա նյարդայնացել էր, երբ ենթադրյալ ապօրինի զենք, ռազմամթերք պահելու գործով իրավապահները գնացել էին եղբոր տունը խուզարկելու՝ ասելով, որ իրենք սահմանին են ապրում ու նետել եղբոր որսորդական հրացանը։ Այս վարքագծի համար էլ գնդապետին բերման էին ենթարկել, ապա ազատ արձակել։

(Լուսանկարում պահեստազորի գնդապետ Միհրան Մախսուդյանն է)