Զատկի կղզու արձաններն անհետացման վտանգի տակ են. ի՞նչ է հայտնի (լուսանկարներ)

Զատկի կղզու քարե հսկաները կլիմայական ճգնաժամի պատճառով կանգնած են ոչնչացման առջեւ։ Այս մասին գրել է The Guardian-ը։

Դեմքի էրոզիայի պատճառով հայտնի մոայի արձանները սկսել են կորցնել իրենց դիմագծերը, օրինակ՝ հին Ահու Տահայի համալիրի կուռքերի վրա քթի թեւերն ու աչքի վարդակները հարթվել են, իսկ ձեռքերը միաձուլվել են մարմնին։ Քարերը վնասվել են եղանակային ծայրահեղ պայմանների պատճառով։ Վերջին երեսուն տարիների ընթացքում տարածաշրջանում տեղումները շատ ավելի հազվադեպ են դարձել, իսկ առատ տեղումներին հաջորդում է երկարատև երաշտը: 

Ինչպես բացատրում են փորձագետները, քանդակները ստեղծվել են փափուկ հրաբխային ժայռից՝ տուֆից, որը ժամանակի ընթացքում քայքայվում է քամու և անձրևի հետևանքով։ Բացի այդ, 2022 թվականին տասնյակ արձաններ մեծապես տուժել են անտառային հրդեհներից։

Անտառային հրդեհներից հետո վերականգնողական աշխատանքները ֆինանսավորվում են Չիլիի կառավարության կողմից: Պետբյուջեից միջոցներ են հատկացվում հսկաներին քարաքոսից ու մամուռից մաքրելու, ինչպես նաև ջրազերծող միջոցներով «բուժելու համար»։ Այս ընթացակարգը բավականին թանկ է և բարդանում է Չիլիի իշխանությունների և տեղի Ռապա Նուի ժողովրդի լարված հարաբերությունների պատօարւվ։ Սակայն, ինչպես ասել են փորձագետները, սուբսիդիաները չեն առընչվում էրոզիայի դեմ պայքարի հետ։

Լուսանկարներն այստեղ