Կոչ եմ անում ՝ 1000 և ավելի ուսանողների վաղը դասադուլ անել․ այցելելու եմ ԵՊՀ․ Բագրատ Սրբազան
ՀԱՍԱՐԱԿՈՒԹՅՈՒՆ
Բագրատ սրբազանը Սուրբ Աննա եկեղեցու բակում ամփոփելով այսօրվա իրադարձությունները՝ հայտնեց, որ տեղեկություններ է ստացել, որ ԵՊՀ ուսումնական գծով պրոռեկտոր Էլինա Ասրիյանը ժողով է արել և ասել, որ անպայման նշեն բոլոր ուսանողների բացակաները։ Նա շեշտել է, որ պետք է ամեն գնով դադարեցնել ուսանողների դասադուլը։
«Ասել է ՝ պետք լինի՝ 1000 ուսանող էլ կհեռացնի։
Զգուշացնում եմ՝ սահմանները մի անցեք, եթե դուք այդքան քաջություն չունեք ճշմարտության մասին խոսելու և նախընտրել եք ստի մեջ պարփակված ապրել, համալսարանի ուսանողներն այդ քաջությունն ունեն և մերժում են սուտը, որովհետև ուզում են ապրել ճշմարտության և հաշտության մեջ։
Էլինա Ասրիյանը չգիտեմ՝ ով է, բայց այս երկրում գոյություն ունի քաղաքացու իրավունք, եթե չեմ սխալվում։ Ընդվզելու, անհամաձայնություն հայտնելու իրավունք։
ԵՊՀ-ն հոգու դարբնոց է եղել, և այդպես էլ պետք է մնա։ Այնտեղից մարդիկ ճախրանքով պետք է դուրս գան, և ոչ թե խեղճ, զսպված, սահմանափակված, առանց արժեքներ, դավանանք ունենալու։
Ես վաղը գնալու եմ համալսարան։ Թե՛ Էլինա Ասրիյանին, թե՛ ռեկտորին՝ Հովհաննես Հովհաննիսյանին, պարզապես զգուշացնում եմ՝ սահմանները մի՛ անցեք։ Եթե դուք այդքան քաջություն չունեք ճշմարտության մասին խոսելու և նախընտրել եք ստի մեջ պարփակված ապրել, համալսարանի ուսանողներն այդ քաջությունն ունեն և մերժում են սուտը, որովհետև ուզում են ապրել ճշմարտության ու հաշտության մեջ։
Կոչ եմ անում ՝ 1000 և ավելի ուսանողների վաղը դասադուլ անել»,–ասաց սրբազանը։
Նա դիմեց նաև Բրյուսովի համալսարանի ռեկտոր Դավիթ Գյուրջինյանին։ Սրբազանի տեղեկություններով՝ վերջինս հավաքել է դեկաններին, դասախոսներին և սպառնացել, որ որևէ մեկն իրավունք չունի մասնակցելու այս ամենին։
Սրբազանը նաև հայտնեց, որ առավոտյան ժամը 10-ին համակիրների հետ գնալու է ԵՊՀ՝ ուսանողներին ողջունելու։
Նա նաև հատնեց, որ այնուհետև այցելելու է Հայաստանի ժուռնալիստների միություն՝ շնորհակալություն հայտնելու լրագրողներին՝ կատարած աշխատանքի համար։
«Հետո մետրոյով գնալու է Գարեգին Նժդեհի կայարան՝ տեսնելու, թե ինչպես են մարդիկ «Երրորդ մասում»»։
