Այս շարժման արդյունքում է, որ հանձնման պրոցեսն ինչ-որ կերպ կասեցվել է. Սողոմոնյան

Վաղ առավոտյան բերման ենթարկվածների թվում էր նաև քաղաքագետ, «Հայաքվե» նախաձեռնության անդամ Մենուա Սողոմոնյանը: Նա 1or.am-ին ասաց, որ իրեն բերման ենթարկելու օրինական հիմքեր չկային: 

«Ոչ մի պատճառ և պահանջ չներկայացրին, ես մայթի վրա էի: Ոստիկանությունը նախապես պահանջ ներկայացրեց ազատել փողոցը, ապա կամայական ժամանակ տվեցին ու սկսեցին մեզ հրել դեպի մայթը: Արդեն մայթի վրա էինք, երբ եկան ու սկսեցին բերման ենթարկել: Այդ պահին նույնիսկ երթևեկությանը չէինք խոչընդոտել: Վարչական արձագրություն են կազմել, չափը դատարանն է որոշում, բայց խախտում տեղի չի ունեցել, դա նույնիսկ տեսախցիկներն են ֆիքսել»,- նշեց Սողոմոնյանը:
Բաժնում մնացել է մոտ 3 ժամ, հետո էլի միացել ակցիայի մասնակիցներին: Ասում է օրակարգը մեկն է՝ իշխանափոխություն  և ամեն գնով պետք է աջակցել այդ օրակարգին, քանի որ այն ազգային անվտանգության օրակարգ է: 
«Այս շարժմանը պետք է միանան ՀՀ բոլոր գիտակից քաղաքացիները: Եթե նկատել եք այս շարժման արդյունքում է, որ հանձնման պրոցեսն ինչ-որ կերպ կասեցվել է: Սա նշանակում է, որ եթե շարժումը դադարի, ապա հանձման պրոցեսը կվերսկվի: Հետևաբար պետք է դա բացառելու համար հեռացնենք այս իշխանությանը: Միայն նրա հեռացումը կերաշխավորի, որ ՀՀ-ում ունենանք իշխանություն, ով կկարողանա դիմադրություն կազմակերպել, թշնամիներին հակադրելու գործընթաց սկսել»,- ասաց նա: