Պատգամավոր Զատուլինը հայտարարել է Անդրկովկասը «հակառուսական ցատկահարթակի» վերածելու ԱՄՆ-ի փորձերի մասին
ՔԱՂԱՔԱԿԱՆՈՒԹՅՈՒՆ
Մինչ մեր երկիրը կենտրոնացած է ուկրաինական հակամարտության վրա, Արևմուտքը «ապակայունացնում» է Վրաստանն ու Հայաստանը։ Հնարավոր է նաև, որ «էթնիկական հարաբերությունների ցնցումը» ազդի Հյուսիսային Կովկասի և Ադրբեջանի վրա։ Այդ մասին govoritmoskva.ru-ի հետ զրույցում ասել է Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ` Կոնստանտին Զատուլինը։
«Կասկած չկա, որ նրանք ցանկանում են Վրաստանը շեղել ողջամիտ և զգուշավոր կուրսից դեպի կատաղի հակառուսական կուրս: Դրա համար օգտագործվում է ցանկացած պատճառ. տվյալ դեպքում օտարերկրյա գործակալների մասին օրենքը:
Այդ առումով առաջնահերթությունը պատկանում է ԱՄՆ-ին: Նահանգներն է, որ կտրականապես դեմ է Վրաստանում և ընդհանրապես հետխորհրդային տարածքում նման օրենքների ընդունմանը։
Դա հենց այն երկիրն է, որը կերակրում է այդ օտար գործակալներին։ Ակնհայտ է, որ այսօրվա իրավիճակում Վրաստանում օտարերկրա գործակալների մասին օրենքի դեմ ցանկացած ելույթ ոգեշնչվում է ամերիկյան, արևմտյան այն կլանների կողմից, որոնց ցանկությունն է անպատիժ մնալ ցանկացած գործողության համար։
Վրաստանն ապակայունացնելն, իմ կարծիքով դժվար չէ, հաշվի առնելով այն խնդիրները, որոնք սկզբունքորեն կան Վրաստանում։ Օրինակ` հակառուսական բողոքի ակցիաներ հրահրել կարելի է կրկին սեղմելով Աբխազիայի և Հարավային Օսիայի ցավոտ տեղը։ Հետևաբար, այն ամենը, ինչ տեղի է ունենում, տեղավորվում է ընդհանուր պլանի մեջ,- ասել է Զատուլինը,- բայց արդյո՞ք պատրաստվում են Վրաստանը դարձնել «հակառուսական ցատկահարթակ»։
Կան մի շարք տարբերակներ: Նրանք հիմա դատելով հայ պաշտոնյաների պաշտոնական հայտարարություններից` փորձում են նաև Հայաստանը վերածել «հակառուսական ցատկահարթակի»: Ինչ վերաբերում է Ադրբեջանին, որը լավ հարաբերություններ է դրսևորում Ռուսաստանի հետ, չզբաղվենք ինքնախաբեությամբ, հաշվի առնելով այն, որ Ադրբեջանի գլխավոր դաշնակիցը ոչ թե Ռուսաստանն է, այլ Թուրքիան։
Ադրբեջանի դիրքորոշումը մեծապես է կախված Թուրքիայի դիրքավորումից։ Հետևաբար, այժմ կա տարբերակների մի ամբողջ շարք, թե ինչպես կարելի է Անդրկովկասը վերածել «հակառուսական ցատկահարթակի»։
Դա շատ վտանգավոր է, հաշվի առնելով Հյուսիսային Կովկասը, որտեղ ազգամիջյան հարաբերությունները խարխլելու փորձ է արվում: Սա ինչ-որ չափով հարկադրված վճար է այն բանի համար, որ մենք կռվում ենք Ուկրաինայում։ Մենք այսօր կենտրոնացած ենք այդ ճակատի վրա։ Եվ, իհարկե, դա օգտագործում են մեր սահմանների ողջ պարագծով, և որտեղ բարակ է, այնտեղ էլ կոտրվում է»:
Նյութը հրապարակման պատրաստեց Կամո Խաչիկյանը
