Մասնագետը խոսել է մաշկի խնամքի վտանգավոր թրենդների մասին, որոնք կարող են նաև քաղցկեղի հասցնել
ՀԱՍԱՐԱԿՈՒԹՅՈՒՆ
Բուժքույր և Լոնդոնի էսթետիկ բժշկության կլինիկայի հիմնադիր Նինա Փրիսքը The Sun-ի հետ զրույցում բացահայտել է մաշկի խնամքի հանրաճանաչ թրենդներ, որոնք վատթարանում են մաշկի վիճակը:
Մասնագետը նախ հորդորել է չօգտագործել կերակրի սոդան որպես տնական դիմակների բաղադրիչ։ «Դեմքին խմորի սոդա քսելը կարող է հեռացնել այն բնական յուղերից՝ հանգեցնելով չոր, քոր առաջացնող և գրգռված մաշկի: Այն կարող է նաև բացասաբար ազդել մաշկի բնական pH մակարդակի վրա և վնասել մաշկի պատնեշը», - բացատրել է նա:
Փրիսքը դեմքի ձևի շտկմանն ուղղված դիետաները անվանել է միտում, որը վնասակար ազդեցություն ունի արտաքինի վրա։ «Քաշը կորցնելը լավագույն միջոցը չէ սղոցված տեսք ստեղծելու համար, հատկապես, որ դա կարող է հանգեցնել մաշկի թուլացման ու կնճիռների: Գոյություն ունեն մի շարք ոչ վիրահատական էսթետիկ պրոցեդուրաներ, որոնք կարող են օգնել արդյունավետ կերպով ուրվագծել դեմքը՝ առանց առողջության համար վտանգի»,- ասել է փորձագետը:
Հրատարակության զրուցակիցը քննադատել է այն մարդկանց, ովքեր ցանկանում են դաջվածքների տեսքով պեպեններ ստանալ։ Ըստ նրա՝ արտաքին տեսքի փոփոխության այս մեթոդը կարող է հանգեցնել վարակի։
«Տանը արևապաշտպան քսուք պատրաստելը վտանգավոր է և կարող է ձեր մաշկը վտանգի ենթարկել արևայրուկի, գրգռվածության, զգայունության և մաշկի քաղցկեղի»,- ընդգծել է մասնագետը։
