Փաշինյանը վերջնականապես բացվեց. երկրի համար վատ կլինի
ՔԱՂԱՔԱԿԱՆՈՒԹՅՈՒՆ
Հայաստանի կառավարության ղեկավար Նիկոլ Փաշինյանը սկսել է սպառնալ, թե երկիրը կարող է դուրս գալ ՀԱՊԿ-ից,- գրում է tsargrad.tv-ն։
Նրա խոսքով, դա տեղի կունենա, եթե կազմակերպության անդամները չկատարեն իրենց պարտավորությունները և չճանաչեն իրենց պատասխանատվության ոլորտը։
«Որտե՞ղ է, ըստ ՀԱՊԿ-ի մեր գործընկերների, Հայաստանի ինքնիշխան տարածքը և որտե՞ղ է նրա պատասխանատվության գոտին»,- ասել է Փաշինյանը հավելելով, որ այս հարցը դեռ բաց է մնում։
Սակայն, արդեն իսկ պարզ է, որ Երևանն ընտրել է ՀԱՊԿ-ից աստիճանական հեռացման ուղղությունը։
Փաշինյանը դա խոստովանել է. փաստացի Հայաստանը սառեցրել է մասնակցությունը կազմակերպությանը, չունի մշտական ներկայացուցիչ, պատվիրակները չեն մասնակցում հանդիպումներին։
Հիշեցնենք, որ ավելի վաղ Երևանում հայտարարել էին նաև, որ մտադիր են «Զվարթնոց» օդանավակայանում տեղակայված ռուս սահմանապահներին փոխարինել իրենց սահմանապահներով։ Ինչի՞ մասին են վկայում հայկական կողմի ներկայիս հայտարարություններն ու գործողությունները։
Քաղաքագետ Դմիտրի Ժուրավլևի կարծիքով` Փաշինյանի վերջնագրերին իսկապես կհետևի Հայաստանի դուրս գալը ՀԱՊԿ-ից, իսկ հետո հանրապետության համար տխուր ժամանակներ կգան։
«Հայաստանն ամեն դեպքում դուրս կգա ՀԱՊԿ-ից, անկախ նրանից` կազմակերպությունը կպատասխանի հարցերին, թե ոչ։ Եթե կազմակերպության անդամը սկսում է կազմակերպությանը շանտաժի ենթարկել հեռանալու սպառնալիքով, ապա դա նշանակում է, որ իրականում նա արդեն դուրս է եկել»,- նշել է tsargrad.tv-ի զրուցակիցը։
Փորձագետն ընդգծել է, որ իրականում Փաշինյանն իր հայտարարություններով հիմա նվեր է անում Ադրբեջանին:
«Փաշինյանը նվեր է տալիս իր ընկեր Ալիևին: Որովհետև հիմա Ադրբեջանի խորհրդարանի պատգամավորներն ակտիվորեն քննարկում են Հայաստանի վրա հարձակվելու և այս պատմությանն ամբողջությամբ վերջ դնելու հարցը։ Եվ ընկեր Փաշինյանը քայլ է արել այդ ուղղությամբ. մեծ բարևներ նրան։ Մեր ազդեցությունը Հայաստանի վրա ամեն դեպքում կնվազի, որովհետև հայկական էլիտաների ընտրությունը հարուստ Ամերիկայի և հարուստ Ֆրանսիայի, այլ ոչ թե հավատարիմ Ռուսաստանի վրա կենտրոնանալն է։ Բայց դա նրանց ընտրությունն է»,- եզրափակել է Ժուրավլևը։
Նյութը հրապարակման պատրաստեց Կամո Խաչիկյանը
