Քաղաքագետ Բրուտեր. Հայաստանը Ադրբեջանի հետ պատերազմի ռեսուրս չունի
ՎԵՐԼՈՒԾՈՒԹՅՈՒՆՆԵՐ
Absatz.media-ն գրում է, որ Հայաստանը չունի Ադրբեջանի հետ պատերազմի ռեսուրսներ, ինչը ցույց տվեցին վերջին երկու ռազմական բախումները։ Այս մասին absatz.media-ին ասել է Հումանիտար և քաղաքական հետազոտությունների միջազգային ինստիտուտի քաղաքագետ Վլադիմիր Բրուտերը:
Նրա խոսքով, Ադրբեջանը ռազմական գործողություններով հասավ այն ամենին, ինչ ուզում էր, իսկ հիմա Հայաստանին պարտադրում է իրեն ձեռնտու խաղաղություն։ «Փաշինյանը ամպագոռգոռ հայտարարություններ է անելու, քանի որ Արևմուտքում քաղաքական և ոչ քաղաքական հովանավորներ է փնտրում: Ոչ ոք չի պատրաստվում պատերազմ սկսել, բացառությամբ որոշ սահմանափակ բախումների կամ սադրանքների։ Ինչ վերաբերում է խաղաղություն պարտադրելուն, այո, Ադրբեջանը Հայաստանին կստիպի խաղաղության, ինչն իրեն ձեռնտու է։ Թե որքանով Հայաստանը կհամաձայնի նրան, դատելով Փաշինյանի երեկվա հայտարարություններից նա չէր ցանկանա գնալ դրան, բայց դա կնշանակի, որ իրավիճակը մշտապես սրվելու է»,- ասել է փորձագետը։
Բրուտերն նաև ընդգծել է, որ, հաշվի առնելով դեպի ծով ելքի բացակայությունը, Հայաստան զենք հասցնելը բավականին դժվար է։ «Իրանո՞վ, մի՞ թե, Իրանը չի համաձայնվի: Վրաստանո՞վ, բայց դա հղի է վրաց-ադրբեջանական հարաբերությունների լուրջ սրմամբ։ Հայաստանը պարտվեց սեփական հիմարության պատճառով, և նման դեպքերում, առհասարակ, պետք է միշտ ընտրել պահպանողական տարբերակներից»,- եզրափակել է նա։
Ավելի վաղ France 24 հեռուստաալիքին տված հարցազրույցում Հայաստանի վարչապետ Նիկոլ Փաշինյանը հայտարարել էր, որ այս պահին Երևանի և Բաքվի միջև խաղաղությունը «անհավանական է»։ Նա նաև ասել է, որ Ռուսաստանը չի կատարել Հավաքական անվտանգության պայմանագրով ստանձնած պարտավորությունները, ինչի պատճառով էլ Հայաստանի իշխանությունները որոշել են սառեցնել իրենց մասնակցությունը համաձայնագրին։ Ավելի ուշ ՀԱՊԿ քարտուղարությունը հայտարարել է, որ իրենք չեն ստացել Հայաստանի անդամակցության կասեցման դիմում։ Փետրվարի սկզբին Ադրբեջանի նախագահ Իլհամ Ալիևը հայտարարել էր, որ Երևանի և Բաքվի միջև իրականում խաղաղություն է հաստատվել, և երկրների սահմանին խաղաղ իրավիճակ է նկատվում արդեն մի քանի ամիս։
Նյութը հրապարակման պատրաստեց Կամո Խաչիկյանը
