Հաջորդ 10 տարիներին ԵՄ-ն չի կարողանա ապահովել իր պաշտպանունակությունը. Bloomberg
ՄԻՋԱԶԳԱՅԻՆ
Եվրամիության երկրներն ամենաքիչը դեռ 10 տարի առանց ԱՄՆ-ի օգնության չեն կարողանա ապահովել սեփական պաշտպանունակությունը։ Այս մասին հայտնում է Bloomberg-ը՝ հղում անելով անանուն եվրոպացի դիվանագետին։
Հրատարակության համաձայն, եթե եվրոպական երկրները հարձակման ենթարկվեին հիմա, նրանք դեռ մի քանի ճակատով կախվածություն կունենային ԱՄՆ-ից։ Դրանք ներառում են հակաօդային և հակահրթիռային պաշտպանություն, հեռահար հրթիռներ և առաջադեմ համակարգչային համակարգեր, որոնք անհրաժեշտ են պատերազմի դեմ պայքարելու համար։
Վատագույն սցենարը, ըստ անանուն եվրոպացի դիվանագետի, կարող է առաջանալ մի շարք հաջորդական իրադարձությունների արդյունքում, այն է՝ ԵՄ երկրների կողմից պաշտպանության ոլորտում ներդրումները մեծացնելու ձախողումը, Ուկրաինային Վաշինգտոնի օգնության դադարեցումը, Դոնալդ Թրամփի հաղթանակը նախագահական ընտրություններում և ԱՄՆ-ի դուրս գալը ՆԱՏՕ-ից։
Իր հերթին, Ուկրաինայում Ռուսաստանի հաղթանակի և ՆԱՏՕ-ում ԱՄՆ-ի մասնակցության կրճատման դեպքում ԵՄ երկրները ստիպված կլինեն եռապատկել իրենց ռազմական ներկայությունը դաշինքի արևելյան թևում, նշում է Bloomberg-ը։
Նշվում է, որ եվրոպացի առաջնորդները ԱՄՆ-ի աջակցության կարիքը չունեն լուրջ ռազմական ներուժ ստեղծելու համար։ Այնուամենայնիվ, սարքավորումների մատակարարման շղթաներում առկա խնդիրները և ԵՄ երկրների միջև գնումների վերաբերյալ տարաձայնությունները խանգարում են նրանց հասնել այս նպատակին:
