Ո՞վ է թեժացնում Հայաստանի և Ադրբեջանի հարաբերությունները
ՎԵՐԼՈՒԾՈՒԹՅՈՒՆՆԵՐ
Absatz.media-ն գրում է, որ Հայաստանի ֆինանսների նախարարությունը հայտնել է, որ երկիրը 2024 թվականին իր բյուջեի 17%-ը հատկացնելու է պաշտպանության ոլորտին։ Որոշ վերլուծաբաններ կարծում են, որ դա էլ ավելի կվատթարացնի հարաբերությունները Երևանի և Բաքվի միջև։
Ընդ որում, վերջին շրջանում դրանք արդեն իսկ վատացել են։ Ադրբեջանի ԱԳՆ-ն եվրոպական դիվանագիտության ղեկավար Ժոսեպ Բորելին մեղադրել է Երևանին ագրեսիան հրահրելու մեջ։ Իր հերթին Բորելը հայտարարել է ԵՄ անհանգստության մասին Հայաստանի տարածքի նկատմամբ Ալիևի հավակնությունների վերաբերյալ։
Բայց Հայաստանի վարչապետ Նիկոլ Փաշինյանը ևս վիճելի որոշումներ է կայացնում, որոնք կարող են հանգեցնել մեծ խնդիրների, Absatz.media-ի հետ զրույցում ասել է քաղաքագետ Ստանիսլավ Տարասովը։ «Առաջինը, Հայաստանը հայտարարում է, որ պատրաստ է Բաքվի հետ բանակցությունների և կստորագրի խաղաղության պայմանագիր բառացիորեն մոտ ապագայում։ Հետո հանկարծ Երևանը խոսում է ինչ որ նոր պայմանների մասին, և վերջում առաջարկում է գործընթացը սկսել զրոյից»,- ասել է փորձագետը։
Նա հավելել է, որ բանակցային հարթակներն այժմ չեն գործում, Փաշինյանը հրաժարվում է Կրեմլում հանդիպել Ալիևի հետ, իսկ Ալիևը հրաժարվում է Եվրոպա կամ ԱՄՆ գնալ: «Փաշինյանի իշխանությունը մի քանի տարի է ինչ ճգնաժամի մեջ է: Վարչապետը վազում է մի միջազգային խաղացողից դեպի մյուսը: Այժմ նա փորձում է օգնություն ստանալ Բրյուսելից»,- ասել է Տարասովը։ Քաղաքագետը նաև նշել է, որ անգամ Հայաստանի ներսում գտնվող վերլուծաբաններն ու փորձագետները երբեմն չեն կարողանում ռացիոնալ բացատրություն տալ իրենց կառավարության որոշումներին։
Նյութը հրապարակման պատրաստեց Կամո Խաչիկյանը
