Հայաստանում ալպյան Սևանա լիճը սառցակալել է
ՎԵՐԼՈՒԾՈՒԹՅՈՒՆՆԵՐ
Mir24.tv-ն գրում է, որ բարձրադիր Սևանա լիճը պատվել է մերկասառույցով: Վերջին անգամ նման բան եղել է 2017 թվականին, սակայն տեղի բնակիչներն ամեն տարի սպասում են այդ իրադարձությանը, որպեսզի սահեն լճում, հայտնել է МИР 24-ի թղթակից Լիլիթ Մադունցը։
Հենց Սևանը սառեց ու սառույցը պնդվեց, մարդիկ սկսեցին գալ լիճ սահելու։ Տեսարաններն անմոռանալի են, տպավորությունները երկար։ «Ես միշտ սահել եմ միայն փակ սահադաշտերի վրա, իրականում ես սահել եմ միայն մի փոքր, բառացիորեն հինգից յոթ անգամ: Այստեղ շատ ավելի լավ է, էմոցիաները զարմանալի են, և ես կցանկանայի նորից գալ, քանի դեռ հնարավորություն ունեմ», - ասել է հանգստացող Դարիա Կոլյուխը:
Կամավոր ակտիվիստները ստուգում են սառույցի անվտանգությունը։ Պարբերաբար գալիս են ու սառցի հաստությունը չափում են։ Եթե այն յոթ սանտիմետրից պակաս է, ապա սառույցի վրա գտնվելը վտանգավոր է կյանքի համար։ Այն վայրերում, որտեղ սառցածածկույթը բարակ է, տեղադրվում են զգուշացնող նշաններ: «Ամեն օր եղանակային որոշակի պայմանների պատճառով՝ քամի, արև, ձյուն, մերկասառույցի վիճակը փոխվում է։ Այն կամ հալչում է, կամ սառչում: Օրինակ, այս տարածքը կարճ ձմեռային սեզոնի ընթացքում արդեն երեք անգամ ամբողջությամբ հալվել է ու նորից սառել»,- ասել է ակտիվիստ Դանիել Արությունովը։
Ակտիվիստներն առաջին օգնության դասընթացներ են անցնում սովորելու, թե ինչպես ինքնուրույն դուրս գալ սառույցից և օգնել ուրիշներին: Այստեղ ամենակարևորն անվտանգությունն է։
Այն դեպքերի համար, երբ հրահանգիչն է ընկնում ջրի մեջ, նա միշտ ունի «փրկարարական պայուսակ», որը կրում է պարանոցին, որպեսզի արագ դուրս գա սառույցից: Նա բացում է դա ապա ծակում սառույցը։ Եվ նա արագ դուրս է գալիս: Այն դեպքում, երբ նա պետք է ինչ-որ մեկին փրկի, օգտագործվում է փրկարար օղակը:
Վերջին անգամ լիճն ամբողջությամբ պատվել էր սառույցով յոթ տարի առաջ։ Դա ձեռնտու է ջրամբարի համար, քանի որ ջրի գոլորշիացում չի լինում, ինչը նշանակում է, որ Սևանը սառցակալելով խնայում է մոտ մեկ միլիոն տոննա ջուր։
Նյութը հրապարակման պատրաստեց Կամո Խաչիկյանը
