Սենատորը բացատրել է, թե ինչու է Փաշինյանը որոշել վերաշարադրել Հայաստանի Սահմանադրությունը
ՎԵՐԼՈՒԾՈՒԹՅՈՒՆՆԵՐ
News.ru–ն գրում է, որ Հայաստանի վարչապետ Նիկոլ Փաշինյանի երկրի սահմանադրությունը վերաշարադրելու որոշումը կարող է անմիջականորեն կապված լինել հանրապետությունում վերջերս տեղի ունեցած մի քանի խոշոր իրադարձությունների հետ, NEWS.ru-ի հետ զրույցում ասել է ՌԴ Դաշնային խորհրդի միջազգային հարաբերությունների հանձնաժողովի փոխնախագահ Անդրեյ Կլիմովը։ Ըստ նրա դա կարող է պայմանավորված լինել Երևանի քաղաքական կուրսի փոփոխությամբ։ Կլիմովն ընդգծել է, որ Հայաստանի իշխանությունները «պտտվում» են Ռուսաստանի և նրա նկատմամբ ոչ բարեկամ պետությունների միջև։ «Հայաստանում շատ բան է տեղի ունեցել: Նրանք իրենք են հրաժարվել Ղարաբաղի նկատմամբ պահանջներից, որը կարևոր իրադարձություն է։ Բացի այդ, վերջին երեք տարիների ընթացքում Փաշինյանի կառավարությունը պտտվում է հետխորհրդային տարածքում իր ավանդական գործընկերների՝ առաջին հերթին Ռուսաստանի և նրան ոչ բարեկամ տարբեր պետությունների միջև»,- ասել է սենատորը։
Կլիմովն ընդգծել է, որ հենց նոր գործընկերների որոնումն է հանգեցրել Հայաստանի օրենսդրության շփոթությանը։ Նրա կարծիքով Հայաստանի նոր Սահմանադրության վերջնական տարբերակն ավելի ճշգրիտ կարտացոլի այն ուղին, որով Փաշինյանը կառաջնորդի ժողովրդին։ Սենատորը հույս է հայտնել, որ փաստաթղթում փոփոխություններ կատարելիս օրենսդիրները կառաջնորդվեն «մի վնասիր» սկզբունքով։ «Մեր գործընկերները երբեմն հիմնական վնաս են հասցնում իրենց չզբաղվելով իրենց երկրի ու ժողովրդի բարգավաճման հարցերով, այլ տարբեր դոգմաներ իրականացնելով։ Նման տեսակի ցանկությունները, երբ իրականանում են, միշտ չէ, որ օգուտ են բերում»,- եզրափակել է նա։
Հիշեցնենք, որ վերջերս Հայաստանի վարչապետը հանրապետության արդարադատության նախարարության աշխատակիցների հետ հանդիպման ժամանակ առաջարկել է ընդունել նոր սահմանադրություն։ Նրա խոսքով, երկրին անհրաժեշտ է Հիմնական օրենք, որն այն ավելի կենսունակ և մրցունակ կդարձնի նոր աշխարհաքաղաքական և տարածաշրջանային պայմաններում։
Նյութը հրապարակման պատրաստեց Կամո Խաչիկյանը
