Հայաստանը ոչ մի տեղ էլ չի կորչի. Գասպարյանը ռուսական սխալ թեզերի մասին
ՎԵՐԼՈՒԾՈՒԹՅՈՒՆՆԵՐ
Dzen.ru-ն գրում է, որ հայ-ռուսական հարաբերություններում առկա խնդիրները պետք է բաց քննարկել, այլ ոչ թե լռեցնել: Այդ մասին հայտարարել է հրապարակախոս, հասարակական գործիչ Արմեն Գասպարյանը ելույթ ունենալով Մոսկվայում կայացած «Ռուսաստան-Հայաստան» համաժողովում։
Փորձագետը կարծում է, որ տեղեկատվական պատերազմի առանցքային «ճակատներից» մեկը երիտասարդների մտքի համար պայքարն է։ Եվ համապատասխանաբար, ինչպես ինքն է կարծում, ցանկացած երիտասարդ սիրում է ազնվությունը։ Պետք է անկեղծորեն խոսել մարդկանց հետ խնդիրների մասին:
«Եթե այսօր Մոսկվայի և Երևանի հարաբերություններում խնդիրներ կան, ապա դրանք պետք է բարձրաձայնել և լուծումներ գտնել: Պետք չէ ասել, որ ամեն ինչ լավ է, երբ մենք խաբում ենք երիտասարդներին, դա հանգեցնում է նրանց հիասթափությանը, իսկ հիասթափված երիտասարդությանը կարող է դառնալ Փաշինյանի նման մարդկանց համար շարժիչ ուժ»,- ասել է հրապարակախոսը։
Նրա տեսանկյունից, հայ երիտասարդները 1994 թվականին Լեռնային Ղարաբաղի հաղթանակի ալիքի վրա ոգևորված էին։ Բայց դա այնուհետև երկար տարիների ընթացքում «ցրվեց ու վատնվեց»։ Գասպարյանը կարծում է, որ ռուսական փորձագիտական և քաղաքական հանրության մեջ ընդունված այն հայեցակարգը, որ Հայաստանը ոչ մի տեղ էլ չի գնա, իրեն չի արդարացրել։ Եվ ռիսկը, որ Հայաստանը կգնա Ուկրաինայի ճանապարհով, մնում է: Հայաստանի, և նրա հասարակության հետ նման սցենարը կանխելու համար պետք է աշխատել, պետք է զարգացնել մեդիան և այլն։
Նշենք, որ վերջին ամիսներին փորձագետներն արձանագրել են հայ-ռուսական հարաբերությունների հետևողական վատթարացում։ Հայաստանը չի մասնակցել ՀԱՊԿ զորավարժություններին և հրաժարվել է այդ կազմակերպության գլխավոր քարտուղարի տեղակալի քվոտայից։ Այդ ամենը երբեմն ուղեկցվում է փոխադարձ մեղադրանքներով ու դիվանագիտական նոտաներով։
Նյութը հրապարակման պատրաստեց Կամո Խաչիկյանը
