Գազայի ամբողջ բնակչությունը՝ ավելի քան 2,2 մլն մարդ, կանգնած է սովահարության վտանգի առջև. զեկույց
ՄԻՋԱԶԳԱՅԻՆ
Գազայի հատվածում ամբողջ բնակչությունը՝ ավելի քան 2,2 միլիոն մարդ, բախվում է ճգնաժամի կամ սովի ավելի ծանր մակարդակի, սովահարության վտանգն օրեցօր մեծանում է՝ Իսրայելի կողմից ցամաքային հարձակման և անկլավի ռմբակոծության շարունակման ֆոնին, ասվում է ՄԱԿ-ի կողմից աջակցվող Integrated Food Security Phase Classification կազմակերպության զեկույցում:Այս մասին գրում է axios.com-ը:
Գազայի բնակչության մոտ 50%-ը բախվում է պարենային անապահովության տագնապալի մակարդակի, մինչդեռ ավելի քան կես միլիոն պաղեստինցի՝ բնակչության մոտ 26%-ը, սպառել են իրենց պարենային պաշարները և բախվում են աղետալի պայմանների, ասվում է IPC-ի զեկույցում:
«Գրեթե բոլոր ընտանիքներ ամեն օր բաց են սննդի որևէ ընդունում», - ասվում է զեկույցում:
Զեկույցում նախազգուշացվել է, որ առաջիկա վեց ամիսներին սովահարության վտանգ կա, եթե ինտենսիվ հակամարտությունը և մարդասիրական օգնության սահմանափակ մուտքը շարունակվեն կամ էլ ավելի վատթարանան:
Զեկույցում նշվում է, որ պայմանները հատկապես սուր են Գազայի հյուսիսում, որը հիմնականում անհասանելի է մնում օգնություն ցուցաբերող խմբերի համար մարտերի և որոշ տարածքների նկատմամբ Իսրայելի վերահսկողության պատճառով:
«Իրավիճակը Գազայում ակնհայտորեն աղետալի է բոլոր հատվածների համար և պահանջում է չափազանց հրատապ քաղաքական արձագանք՝ լիակատար բազմասեկտորային և ռազմավարական հավասարակշռված մարդասիրական արձագանքի հետ միասին», - նշել է IPC-ն:
