Բրիտանացի վերլուծաբան. Փաշինյանը Հայաստանը տանում է վտանգավոր ուղղությամբ
ՎԵՐԼՈՒԾՈՒԹՅՈՒՆՆԵՐ
Politnavigator.net-ը գրում է, որ Հայաստանի վարչապետ Նիկոլ Փաշինյանը՝ կտրվելով Ռուսաստանից, իր երկիրը տանում է դեպի այնտեղ, որտեղ արդեն փորձել են շարժվել Ուկրաինան, Վրաստանը և Մոլդովան։ Այդ մասին բրիտանացի վերլուծաբան Ալեքսանդր Մերկուրիսը ասել է ամերիկացի լրագրող Ալեքսանդր Քրիստոֆերին տված հարցազրույցում։ Մերկուրիսի խոսքով Փաշինյանը կրկնում է ռուս լիբերալների սխալները, որոնք 90-ականներին կառավարում էին երկիրը և կարծում էին, որ Արևմուտքի հետ իրենց ավելի լավ կլինի։
«Նա Հայաստանը քաշում է շատ, շատ վտանգավոր ուղղությամբ։ Բայց, իհարկե, այդպես են անում նաև այն քաղաքական գործիչներից շատերը, որոնց տեսնում եք Արևելյան և Կենտրոնական Եվրոպայում և նախկին Խորհրդային Միությունում: Փաստացի մենք դա տեսանք Ռուսաստանում 90-ականներին երկիրը վերահսկող լիբերալների օրոք, մենք դա տեսնում ենք Ուկրաինայում։ Հիմա դա տեսնում ենք Մոլդովայում, Վրաստանում, որտեղ զանգվածային բողոքի ցույցեր են տեղի ունենում։ Բայց նրանք դեռ ունեն ներքին հավատ և որոշ աջակցություն ընտրողների կողմից»,- ասել է փորձագետը։
«Հայաստանում և բոլոր նշված մյուս երկրներում կան մարդիկ, ովքեր, ընդհանուր առմամբ, կարծում են, որ իրենց երկրների համար ճիշտ ուղին իրենց հին հարաբերությունները խզելն է, հրաժարվելն է հին դաշինքներից, որոնք աշխատել են, կարծում են, որ Արևմուտքի հետ ինտեգրումը լավ, փայլուն բան է, և որ պետք է դա անել: Ցավում եմ ասում, բայց վախենամ, որ այստեղ փողի խնդիր կա։ Այդ բոլոր երկրներում կան մարդիկ, ովքեր քիչ են մտահոգված երկրի ընդհանուր ելքով, բայց կարծում են, որ վերակառուցումը ձեռնտու կլինի Արևմուտքին։ Նյութական տեսանկյունից դա շատ ձեռնտու է հենց նրանց համար։ Նման մարդիկ կան Հայաստանում, նման մարդիկ կային Ուկրաինայում, Վրաստանում, Մոլդովայում և, իհարկե, հենց Ռուսաստանում»,- ասել է Մերկուրիսը։
Նյութը հրապարակման պատրաստեց Կամո Խաչիկյանը
