Ադրբեջանը փորձում է խանգարել Ֆրանսիային ընդունել 2024 թվականի Օլիմպիական խաղերը
ՎԵՐԼՈՒԾՈՒԹՅՈՒՆՆԵՐ
Sportball24.com-ը գրում է, որ Reuters հրատարակությունը հայտնել է, որ Ադրբեջանը տարբեր ճանապարհներով փորձում է խաթարել Փարիզի հեղինակությունը։ Ֆրանսիայի կիբեր պաշտպանության ստորաբաժանումը բացահայտել է Ադրբեջանից բխող ապատեղեկատվական արշավ, որի նպատակն է խաթարել Փարիզի կարողությունն ընդունելու Օլիմպիական խաղերը, որը տեղի կունենա հաջորդ տարի։ Reuters-ի հաղորդագրության համաձայն քարոզարշավն իրականացվել է հուլիսի 26-ից 27-ը X սոցիալական ցանցի ադրբեջանական օգտահաշվով, որը կապ ունի Ադրբեջանի նախագահական կուսակցության հետ: «Հետաքննությունը պարզել է, որ Ադրբեջանին մոտ կանգնած առնվազն մեկ օտարերկրյա սուբյեկտ գործել է կեղծ տեղեկությունների միջոցով վնասել Ֆրանսիայի հեղինակությունը 2024 թվականի Օլիմպիական և Պարալիմպիկ խաղերն ընդունելու կարողության հարցականի տակ դնելով», - հայտնել է Ֆրանսիայի պետական անվտանգության ծառայությունը։ Քարոզարշավը, որը ներառում էր ֆրանսիական ոստիկանության և ցուցարարների միջև բախումների լուսանկարներ և տեսանյութեր, և որը տեսել են միլիոնավոր մարդիկ, իրականացվել է #boycottparis2024 կարգախոսի ներքո։
Հիշեցնենք, որ Փարիզի և Բաքվի հարաբերությունները վերջին ամիսներին սրվել են և վատթարացել այն բանից հետո, երբ Բաքուն վերահսկողության տակ է վերցրել Լեռնային Ղարաբաղի տարածաշրջանը: Ֆրանսիան բազմիցս է քննադատել Ադրբեջանի իշխանություններին Լաչինի միջանցքը փակելու համար, որը առանցքային ճանապարհ էր, և կապում էր Հայաստանը վիճելի անկլավի՝ Լեռնային Ղարաբաղի հետ:
Ըստ Ֆրանսիական դիվանագիտական աղբյուրի Փարիզը Բաքվից պարզաբանումներ է խնդրել այս վերջին ապատեղեկատվության քարոզարշավի վերաբերյալ:
Նյութը հրապարակման պատրաստեց Կամո Խաչիկյանը
