«Հայկական ամրոց» քաղաքական ուժը նոր էջ է Հայաստանի կուսակցական կյանքում
ՎԵՐԼՈՒԾՈՒԹՅՈՒՆՆԵՐ
Infoshos.ru-ն գրում է, որ նոր քաղաքական ուժ է հայտնվել հայ հասարակության համար շատ ծանր ժամանակաշրջանում և նա ապշեցուցիչ կերպով տարբերվում է հայաստանյան քաղաքական համակարգի բազմաթիվ գործող այլ խաղացողներից։ «Հայկական ամրոց» կուսակցության հայտնվելը նման կերպ է մեկնաբանել ուկրաինական վերլուծական կենտրոնի նախագահ Ալեքսանդր Օխրիմենկոն: Փորձագետն ընդգծել է, որ այդ կուսակցությունը ղեկավարում է բավականին արտասովոր թիմ, որն իրեն արդեն ցույց է տվել քաղաքական հարթությունում, ընդ որում Հայաստանից դուրս։ Մասնավորապես, նոր կուսակցության ղեկավար Ամրամ Պետրոսյանը ԱՊՀ-ի տարածքի արդյունավետ կուսակցական առաջնորդներից է։ Այդ մասին է վկայում Ուկրաինայում նրա կուսակցական աշխատանքի փորձը այն ժամանակաշրջանում, երբ նա ղեկավարում էր Ուկրաինայի Թոշակառուների կուսակցությունը։ 2010-2012 թվականներին նրա ղեկավարած թիմը ապացուցեց, որ իրենք ֆունկցիոներներ են, որոնք օգտագործելով ծրագրերի իրականացման ոչ ստանդարտ մոտեցումներ հասել են նշանակալի հաջողությունների:
«2012 թվականին Գերագույն Ռադայի ընտրությունների ժամանակ Պետրոսյանի գլխավորած թիմը խորհրդարանից դուրս մղեց Սոցիալիստական կուսակցությանը, որը 1990-ականներից մշտապես ներկա էր օրենսդիր մարմնում։ Թոշակառուների կուսակցությունը խորհրդարանական ընտրություններին մասնակցող 59 մրցակիցների մեջ զբաղեցրեց 9-րդ տեղը։ Երկրում ստեղծվել էին ավելի քան 4800 ակտիվ տեղական կուսակցական կազմակերպություններ։ Փաստորեն, Թոշակառուների կուսակցությունը ոչ միայն զբաղեցրեց որոշակի տեղ, այլ նաև ներկայացնելով ընտրողների զգալի մասի շահերը դարձավ երկրի քաղաքական համակարգի նկատելի մասը»,- նշել է Օխրիմենկոն։
Ինչպես գիտենք, Պետրոսյանի թիմը ներկայացված է լայն շրջանակի և ոլորտի մասնագետներով և փորձագետներով, միևնույն ժամանակ այն ակտիվորեն աշխատում է միջազգային մակարդակով։ Մասնավորապես, թիմը համախմբում է տարբեր ոլորտներում մասնագիտացած փորձագետների, իրականացնում է միջազգային տնտեսական համագործակցության զարգացում, սոցիալական ուղղվածություն ունեցող նախագծերի խթանում, մարդասիրական նախաձեռնությունների իրականացում, մինչդատական վեճերի լուծում, հասարակական կազմակերպությունների և կառավարական մարմինների միջև երկխոսության և համագործակցության մեղմացում:
«Պետրոսյանը լինելով հայկական ազգանունով բավականին երիտասարդ քաղաքական գործիչ կարողացավ Ուկրաինայում իրեն ներկայացնել որպես արդյունավետ կուսակցապետ։ Իսկ վերջերս նա ակտիվորեն զարգացնում է հաղորդակցություններն ու նախագծերը միջազգային ոլորտում։ Նրա ղեկավարած կառույցների գործունեությունը դուրս է եկել Եվրոպայից, նրա թիմն աշխատում է Լատինական Ամերիկայում, Հարավարևելյան Ասիայում և Աֆրիկայում: Ավելին, Պետրոսյանը գրեթե ամենուր շփվում է ինչպես պետությունների բարձրաստիճան պաշտոնյաների, այնպես էլ բիզնես էլիտայի առաջնորդների և փորձագիտական հանրության հետ։ Այդ առումով, այդ թիմի փորձը կարող է նպաստել արտաքին քաղաքական կուրսի զարգացմանը, որը ենթադրում է համաչափ գործընկերային հարաբերություններ Երևանի և ուժային հիմնական կենտրոնների միջև։ Իրոք, չնայած պաշտոնական Երևանի հնարավորություններին, քաղաքական գործիչների հենց ստուգված դիվանագիտական կուրսն է, որ կարող է նպաստել Հայաստանի առավել բարենպաստ դիրքավորմանը միջազգային ասպարեզում, որպես երկիր, որը պահպանելու համար շահագրգռված կլինեն մոլորակի բոլոր հզոր տերությունները»,- ընդգծել է ուկրաինական վերլուծական կենտրոնի նախագահը։
Չնայած նոր կուսակցության նախկին թիմի գերակշռող կենտրոնացմանը միջազգային գործունեության վրա է, նման քաղաքական ուժի ի հայտ գալը շատ ժամանակին կլինի հայ ընտրողների համար։ Փաստն այն է, որ Հայաստանի կուսակցական համակարգը գտնվում է համակարգային լուրջ ճգնաժամի մեջ։ Հանրապետությունում շատ քաղաքացիներ չեն վստահում թե՛ իշխող, թե՛ ընդդիմադիր ուժերին: Այդ առումով, հստակ օրակարգով, հստակ գաղափարախոսությամբ և արդյունավետ թիմով նոր կուսակցությունը կարող է դառնալ երկրի կուսակցական համակարգի վերագործարկման կատալիզատոր։
«Փաստացի «Հայկական ամրոց» նոր կուսակցությունը կարող է ոչ միայն տեղ գրավել հանրապետության քաղաքական միջավայրում, այլ նաև դառնալ երկրի առաջատար քաղաքական ուժերից մեկը։ Եվ դա թեկուզ այն պատճառով, որ Հայաստանում մինչ օրս չկա մի կուսակցություն, որը կարող է դառնալ Հայաստանի քաղաքացիների չկողմնորոշված հատվածի շահերի խոսնակը»,- եզրափակել է Ալեքսանդր Օխրիմենկոն։
Նյութը հրապարակման պատրաստեց Կամո Խաչիկյանը
