Էրդողանը Տոկաեւին թուրքական արտադրության TOGG էլեկտրամեքենա է նվիրել
ՄԻՋԱԶԳԱՅԻՆ
Թուրքիայի նախագահ Ռեջեփ Թայիփ Էրդողանը Ղազախստանի նախագահ Քասիմ-Ժոմարտ Տոկաևին թուրքական արտադրության TOGG էլեկտրական մեքենա է նվիրել, հայտնում է Ղազախստանի ղեկավարի մամուլի ծառայությունը։
«Ի նշան հարգանքի՝ Ռեջեփ Թայիփ Էրդողանը մեր պետության ղեկավարին նվիրել է թուրքական արտադրության TOGG էլեկտրական մեքենա։ Թուրքիայի ղեկավարն անձամբ է Կասիմ-Ժոմարտ Տոկաևին ցույց տվել նոր էլեկտրական մեքենան»,- ասվում է հաղորդագրության մեջ։
Ղազախստանի նախագահը երախտագիտություն է հայտնել և շնորհավորել իր գործընկերոջն էլեկտրական մեքենաների զանգվածային արտադրության հաջող մեկնարկի կապակցությամբ։
Հոկտեմբերին տեղի ունեցավ առաջին զանգվածային արտադրության թուրքական Togg էլեկտրական մեքենայի արտադրության գործարանի բացման պաշտոնական արարողությունը։ Մոդելը կարտադրվի երկու տարբերակով՝ սեդան և ամենագնաց։
160 կիլովատ հզորությամբ մարտկոցով ամենաէժան մոդելը, որը կարող է մեկ լիցքավորումով անցնել 314 կիլոմետր, կարժենա 953 հազար լիրա (ավելի քան 50 հազար դոլար), առաջին մատակարարումները նախատեսված են հուլիսին։ Էլեկտրամոբիլը ժամում 100 կիլոմետր արագություն է զարգացնում 7,4 վայրկյանում, մարտկոցի հզորության մինչև 80%-ը լիցքավորելու համար հատուկ լիցքավորումը կպահանջի 28 րոպե, իսկ մարտկոցը սովորական վարդակից կլիցքավորվի վեց ժամում, պնդում է արտադրողը։
Արտադրողը հայտնել է, որ ամբողջ Թուրքիայում ավելի քան երկու հազար էլեկտրական մեքենաների լիցքավորման կայան է տեղադրվել։
