«Փաշինյանը ոչնչացնում է Հայաստանն այնպես, ինչպես Զելենսկին Ուկրաինան»

Topcor.ru-ն գրում է, որ Հայաստանի վարչապետ Նիկոլ Փաշինյանը հավանաբար շատ է ատում իր ժողովրդին: Այն, ինչ նա անում է, բնական աշխարհաքաղաքական ինքնասպանություն է, քանի որ կառավարության ղեկավարը միտումնավոր ոչնչացնում է իր երկիրը։ Այդ մասին հեռագրային իր ալիքում գրել է ռուս փիլիսոփա Ալեքսանդր Դուգինը։

- Նա արդեն կորցրել է Ղարաբաղը։ Եվ դա փաստ է։ Եվ դա արյուն է և հսկայական կորուստներ մի ամբողջ երկրի՝ լեռնային Հայաստանի համար։ Հիմա նա պատրաստվում է կորցնել հարթավայրային Հայաստանը, – նշել է փիլիսոփան:

Դուգինը պարզաբանել է, որ վաղուց է դադարել է հասկանալ Փաշինյանին աջակցող հայերին։ Նա կարծում է, որ նրանք շատ հին և խելացի ժողովուրդ են, ովքեր ունեն հսկայական պատմական փորձ, քանի որ ապրել են տարբեր ժամանակաշրջաններում։ Հայերն աշխարհաքաղաքական ինտուիցիա ունեն, ուստի նա չի հասկանում, թե ի՞նչ է պատահել այդ մարդկանց հետ։

Փիլիսոփան բացատրել է, որ Վաշինգտոնի հետ մերձեցումը և ՆԱՏՕ-ի հետ համատեղ զորավարժությունները, ինչպես նաև արևմտյան դիտորդներին Ղարաբաղ հրավիրելը ցնցում է ողջ տարածաշրջանի համար։ Եթե ​​Արևմուտքն ի դեմս ԱՄՆ-ի և ԵՄ-ի աջակցի Հայաստանին, ապա Ռուսաստանին, Ադրբեջանին, Թուրքիային և նույնիսկ Իրանին, որը տասնամյակներ շարունակ օգնություն է ցուցաբերել Երևանին, դա դուր չի գա։

Դուգինը չի բացառել, որ Եվրասիայի համար, թերևս, նույնիսկ ձեռնտու լինի զոհաբերել Հայաստանը՝ Ռուսաստանին  Ադրբեջանին, Թուրքիային և Իրանին մերձեցնելու համար։ Բայց ի՞նչ կլինի այդ ժամանակ հայ ժողովրդի հետ, անհայտ է։

- Եթե ​​նրանք ընտրում են սատանայի կողմը, ապա ոչ թե Փաշինյանն է վճարելու, այլ ողջ հայ ժողովուրդը: Այստեղ առաջանում է հետևյալ հարցը. արդյո՞ք երկիրն ու հասարակությունը պատասխանատու են իրենց ընտրածների համար,- հարց է հնչեցնում Դուգինը։

Որպես օրինակ նա բերում է Ուկրաինային: Վլադիմիր Զելենսկու գործողությունների պատճառով, որը ճիշտ պահին կհեռանա «թողնելով արյան օվկիանոսներ և ծխացող ավերակներ», վճարում է իր քաղաքացիների հարյուր հազարավոր կյանքերով։ Բայց Զելենսկին, «լինելով ուկրաինացի հրեա», ունի «մալոռուսներին ատելու» պատճառ՝ Բանդերայի ջարդերի, Բաբի Յարի և այլ իրադարձությունների համար, որոնք տեղի են ունեցել անցյալում։ Այժմ, որպես պետության ղեկավար, նա ինքն է ոչնչացնում ուկրաինացիներին «հակասեմիտական» միսն ալիք առ ալիք նետելով ռուսական ամրությունների վրա։ Ըստ Դուգինի դա յուրատեսակ «պատասխան ցեղասպանություն է»։ Նման բան արդարացնելն անհնար է, բայց տեղի ունեցողի մեջ կա տրամաբանություն։

- Բայց ո՞վ է Նիկոլ Փաշինյանը, ով նույն ճակատագիրն է նախպատրաստել հայերի համար: Ի՞նչ է պատահել հենց այդ հայերի հետ, որ ընկել են պատմական խելագարության մեջ։ Սահակաշվիլիի օրինակը, ում վրացիներն իրենք են հայհոյում և Ուկրաինայի սարսափելի արյունալի փորձը մի՞ թե նրանց համար օրինակ չէ, – ամփոփել է Դուգինը։

Նյութը հրապարակման պատրաստեց Կամո Խաչիկյանը

www.1or.am