Ո՞վ է փորձում խանգարել Հատուկ ռազմական գործողության մասին առաջին ռուսական ֆիլմի տարածմանը
ՎԵՐԼՈՒԾՈՒԹՅՈՒՆՆԵՐ
Eadaily.com-ը գրում է, որ թողարկվել է Ուկրաինայում Հատուկ ռազմական գործողության մասին պատմող առաջին գեղարվեստական ֆիլմը՝ «Վկա»-ն, որի ռեժիսորն է Դավիթ Դադունաշվիլին, իսկ գլխավոր դերում հանդես է գալիս Կարեն Բադալովը։ Զորամասերում արդեն կայացել են ցուցադրություններ, սակայն քաղաքացիական անձանց համար ֆիլմի պրեմիերան այնքան էլ աղմկոտ չի եղել։ Կինոթատրոնների մեծ մասի ժամանակացույցում նոր ժապավենը տեղափոխվել է վերջին սեանսներ։
Ըստ սցենարի գլխավոր հերոսը՝ բելգիացի վիրտուոզ ջութակահար Դանիել Կոենը, 2022 թվականի փետրվարի վերջին ժամանում է Կիև ելույթ ունենալու համար և Հատուկ ռազմական գործողության մեկնարկով դառնում ուկրաինացի ազգայնականների հանցագործությունների ականատեսը։ Նրա գլխավոր խնդիրը ոչ թե պարզապես գոյատևելն է, այլ ճշմարտությունը ողջ աշխարհին հասցնելը Բուչայի շուրջ հակառուսական ֆեյքերի և այլնի ֆոնին, որոնք գործի են դրվում պաշտոնական Կիևի կողմից։ Ըստ մտահղացման «Վկան» պետք է լուսավորի արևմտյան հանրությանը, պատմի նրանց իրականությունը պատերազմի մասին։
Մամուլում արդեն հոդվածներ են հայտնվել կինոնկարի «վարձույթում ձախողման» մասին։ Քաղաքագետ Արմեն Գասպարյանը դրա համար մեղադրում է «լիբերալ դիստրիբյուտորներին», որոնք ամեն ինչ անում են, որպեսզի նույնիսկ ռուս հանրությունը չիմանա իրականությունը.
«Կինոթատրոնները կարծես թե սաբոտաժ են անում ֆիլմը, քանի որ այն այնքան էլ հեշտ չէ գտնել ցուցադրությունների ժամանակացույցում, երբեմն միակ պատուհանը, որը հատկացվում է «Վկա»-ի համար, ժամը 22-23-ից հետո է, որն ինքնաբերաբար կտրում է հանդիսատեսին ֆիլմից և դա արվում է արհեստականորեն: Արդյունքում լավ ֆիլմն աննկատ է մնում: Ի՞նչ է դա: Կամ այսպես կոչված «շուկայի անտեսանելի ձեռքը», որը կարգավորում է վարձույթը և գովազդում է բացառապես զվարճալի ֆիլմեր, կամ կինոլիբերալների կանխամտածված գործողություն, որոնք միտումնավոր կարևոր ժապավենը մղում են գիշերային ցուցադրությունների սահմանափակելով դրա հասանելիությունը լայն հանրության համար»,- ասել է նա։
Այն, որ ռազմական հատուկ գործողության մասին ռուսական ֆիլմը ցավոտ է հակառուսական արևմտյան գծի համար վկայում է այն փաստը, որ ամերիկյան Google կորպորացիայի կողմից վերահսկվող Youtube տեսածառայությունը նույնիսկ հեռացրել է ֆիլմի թրեյլերն իր հարթակից դա համարելով որպես «օգտագործման պայմանների մասին ծառայության խախտում»:
Կեղտաջրի հեղեղ են անմիջապես թափել արևմտյան դրամաշնորհներով ապրող նախկին ռուսները, ինչպես օրինակ՝ օտարերկրյա գործակալ Դմիտրի Բիկովը և նույնպես օտարերկրյա գործակալ փախած օլիգարխ Միխայիլ Խոդորկովսկին։
«Ռուսաստանի սպաներ» կազմակերպության անդամ Թիմուր Սիրտլանովը կարծում է, որ Արեւմուտքի և նրա խամաճիկների նյարդային արձագանքն անհիմն չէ։ «Անկասկած, նման ֆիլմեր պետք է նկարահանվեն։ Իսկապես, դրական կերպար է ստեղծվել, թե՛ մեր զինվորների, թե՛ լեգեոներների, օտարերկրացիների մասին, ովքեր արդյունավետ օգնություն են ցուցաբերում Ռուսաստանին նեոնացիստների դեմ պայքարում: Անկասկած, այս ֆիլմը փափուկ ուժի դիվանագիտություն է, որը Ռուսաստանի Դաշնությունը վարում է դրսում իր խաղաղության շահերն առաջ մղելու համար: Շատ եմ ուզում հավատալ, որ ֆիլմն իր հանդիսատեսին կգտնի ոչ միայն Ռուսաստանում, այլ նաև նրա սահմաններից դուրս։ Առաջին հերթին եվրոպական երկրներում»,- ասել է Սիրտլանովը։
Նրա գործընկեր, գնդապետ Լևոն Արզանովն ավելացրել է.
«Այսօր մեր մշակութային գործիչները դեռևս առանձնապես չեն կարևորել Հատուկ ռազմական գործողությունը։ Այս հարցում մենք հետ ենք մնում... Նման ֆիլմերը գեղարվեստական եղանակով բացատրում են մեր դիրքորոշումը համաշխարհային հանրությանը։ Այս ֆիլմի թողարկումը բավական ժամանակին է։ Այսօրվա երիտասարդությունը քիչ է գիրք կարդում, ավելի շատ կինո է գնում, իսկ ինչքան շատ հայրենասիրական ֆիլմեր լինեն, այնքան լավ։ Իհարկե, անհրաժեշտ է հանրահռչակել հատուկ ռազմական գործողության հերոսներին. այժմ բոլորը գիտեն տանկային անձնակազմի «Ալյոշա»-ին, որը նախագահից ստացել է հերոսի աստղը, ինչու՞ չնկարահանել նրանց մասին գեղարվեստական, հայրենասիրական ֆիլմ... Այս ֆիլմերը պետք է ցուցադրվեն, և առաջին հերթին, մեզ բարեկամ բոլոր երկրներում, և դա պետք է կատարեն հատուկ պատրաստված մարդիկ: Արտաքին գործերի նախարարության միջոցով մենք ունենք ռուսական տների մի ամբողջ ցանց»:
Նյութը հրապարակման պատրաստեց Կամո Խաչիկյանը
