Ստեղծել դիմակայուն մայրաքաղաք. Մանե Թանդիլյան
ՎԵՐԼՈՒԾՈՒԹՅՈՒՆՆԵՐ
Ստեղծել դիմակայուն մայրաքաղաք, որտեղ ապրելը կլինի անվտանգ, հարմար և հուսալի։ «Ապրելու երկիր» կուսակցության համանախագահ, Երևանի ավագանու ընտրություններում քաղաքապետի թեկնածու Մանե Թանդիլյանն է այդ մասին գրել ֆեյսբուքյան իր էջում՝ անդրադառնալով Սուրմալուի աղետալի ողբերգության տարելիցին։
«Ի՞նչ եղավ մեկ տարվա ընթացքում, աղետից հետո հնչեցին հուզական տեքստեր, մեղավորներին գտնելու և պատժելու կոչեր, ցավակցանքի և ափսոսանքի խոսքեր, ձևական բնույթ կրող ձերբակալություններ, իսկ ի՞նչ ունենք այսօր. խեղված ճակատագրեր, դժբախտացած ընտանիքներ, անդառնալի ցավ ու կորուստ, այդպես էլ չբացահայտված հանցագործություն»,- նշել է քաղաքապետի թեկնածուն։
«Այսօրն այն հերթական դասերից է, որ մենք պարտավոր ենք սերտել, որ մեր հարգանքի տուրքը մատուցելով անենք գործուն քայլեր այլևս երբեք նման բան թույլ չտալու և հանցավոր անտարբերությունը վերացնելու համար»,- նշել է Մանե Թանդիլյանը։
Հիշեցնենք, մեկ տարի առաջ Սուրմալուում հրավառության նյութերի պայթյունի հետևանքով 16 մարդ զոհվել էր, ևս մեկն էլ մինչ օրս անհետ կորած է համարվում։ Երևանի քաղաքպետի թեկնածուն նաև անդրադարձել է Շիրակի մարզում տեղի ունեցած աղետալի վթարին, երբ 11 մարդ էր զոհվել, մի քանիսն էլ ծանր վնասվածքներ էին ստացել։ «Ճանապարհային այս պատահարների դաժան ընթացքը պետք է կանգնեցնել, սա նաև հետևանք է նրան, որ նախկինում տեղի ունեցած նման ողբեգական դեպքերը պատշաճ քննության և հետևությունների չեն արժանացել»,- նշել է Մանե Թանդիլյանը։
Երևանի քաղաքպետի թեկնածուի այս արձանագրումները վկայում են, որ գործող իշխանությունները չարաբաստիկ կերպով տապալել են պետությունը՝ չունենալով կառավարչական հմտություններ, կամ էլ, միտումնավոր քաոս և խուճապ տարածելով երկրում, փորձում են պահպանել իրենց վերարտադրությունը և դիտելով բոլոր ընտրացուցակները կարելի է վստահաբար փաստել, որ միակ քաղաքական ուժը, որ կարող է ձեռնոց նետել Փաշինյանին և ոչ միայն Երևանում, այլ նաև ողջ հանրապետությունում իրական կառավարման հիմքեր դնել՝ «Ապրելու երկիր» կուսակցությունն է։
Թինա Մախսուդյան
