Սաակաշվիլին կիսվել է 2008-ին կնքված հրադադարի մասին իր հիշողություններով

Վրաստանի ազատազրկված նախագահ Միխեիլ Սաակաշվիլին պատմել է հրադադարի համաձայնագրի շուրջ բանակցությունների մանրամասները, որը Ֆրանսիայի նախագահ Նիկոլա Սարկոզին ստորագրման է բերել Թբիլիսի 2008 թվականին, գրում է Новости-Грузия–ն։

«Եթե չստորագրեք, վաղը ռուսները կլինեն Թբիլիսիում, Պուտինը վճռական է ձեզ սպանելու: Ես չեմ կարող զորքեր ուղարկել, իսկ Բուշը դա չի անի»,- գրել է Սաակաշվիլին Facebook-ում՝ նշելով, որ Ֆրանսիայի նախագահ Նիկոլա Սարկոզին 2008 թվականի օգոստոսին Թբիլիսիում մի քանի անգամ կրկնել է այս արտահայտությունը՝ ականատեսների ներկայությամբ՝ համոզելով նրան ստորագրել հրադադարի համաձայնագրի տարբերակը՝ Մոսկվայի առաջարկած կետով։ 

«Երբ Լեխ Կաչինսկին իմացավ, որ մեզ նման համաձայնագիր են պարտադրում, նա փորձեց միանալ հանդիպմանը, սակայն ֆրանսիական կողմը չգնաց դրան»,- ասում է Սաակաշվիլին։

Խոսքը վերաբերում էր «Հարավային Օսիայի և Աբխազիայի կարգավիճակը պետք է որոշվի ապագայում՝ միջազգային բանակցությունների արդյունքում», որը Սաակաշվիլին հրաժարվեց ստորագրել։

«Դա գործնականում նշանակում էր, որ մեր ձեռքով ստորագրելով՝ մենք պետք է հրաժարվեինք Վրաստանի տարածքներից և երկրի տարածքային ամբողջականությունից... Սարկոզին մի քանի ժամ փորձում էր համոզել ինձ։ Ի վերջո, Նիկոլա Սարկոզին կրկին զանգահարեց Մեդվեդևին, և ռուսական կողմը համաձայնեց չպնդել այս կետը... ի վերջո, նրանք հրաժարվեցին կատարել հրադադարի համաձայնագիրը»,- գրում է Սաակաշվիլին։