Օտարերկրացիների համար կփոխեն Ռուսաստանի Դաշնությունում բնակվելու կանոնները
ՄԻՋԱԶԳԱՅԻՆ
2023 թվականի հոկտեմբերին Ռուսաստանում ուժի մեջ կմտնի օրենք, որը կպարզեցնի երկիր ժամանած օտարերկրացիների գրանցումը, գրում է Parlamentskaya Gazeta-ն։
Օրենքն ընդլայնում է այն դեպքերի ցանկը, երբ օտարերկրացին կարող է ինքնուրույն երկիր ժամանելու մասին ծանուցում ներկայացնել Ներքին գործերի նախարարություն։ Նման իրավունք ստանում են նրանք, որոնք հաշիվներ ունեն Պետական ծառայություններում, նրանք, որոնք ժամանում են վիզայով և ապրում են մուտքի հրավերի դիմումում նշված հասցեով, ինչպես նաև նրանք, որոնք բնակարանային պայմանագիր են կնքում տանտիրոջ հետ, պարզաբանում է պարբերականը` վկայակոչելով Ռուսաստանի Դաշնության կառավարության որոշման նախագծին:
Ներքին գործերի նախարարությունը նաև նախանշել է փաստաթղթերի ցանկը, որոնք կպահանջվեն գրանցման համար՝ համաձայն նոր կանոնների: Օտարերկրացիները ժամանման էլեկտրոնային ծանուցմանը պետք է կցեն անձը հաստատող փաստաթուղթ, այդ թվում՝ մինչև 18 տարեկան իրենց երեխաների համար, հյուրընկալողի բնակարանի իրավունքը հաստատող փաստաթղթերի պատճենները, միգրացիոն քարտերի և ընտանեկան հարաբերությունների մասին փաստաթղթերի պատճենները՝ ռուսերեն թարգմանությամբ:
Ինչպես ասել է Պետդումայի անվտանգության և հակակոռուպցիոն հանձնաժողովի փոխնախագահ Անատոլի Վիբորնին, նպատակահարմար է պարզեցնել միգրացիայի գրանցման ընթացակարգը, որպեսզի օրինապաշտ օտարերկրացիներն ավելի հեշտությամբ օրինականացվեն Ռուսաստանի Դաշնությունում: Նա նաեւ ընդգծել է, որ կարեւոր է ծայրահեղությունների մեջ չընկնել, քանի որ միգրացիոն հոսքերի վերահսկման հարցերը միշտ էլ էական են ազգային անվտանգության հարցում։
