Ինչպես հայտնում է ֆոտոլրագրող Գագիկ Շամշյանը, պարզվել է, որ այդ օրը, ժամը 21։40-ին Հերացու անվան թիվ 1 համալսարանական հիվանդանոց է տեղափոխվել է Երևանի բնակիչ 32-ամյա Ռոբերտ Բ․-ն, իսկ ժամը 00։25-ի սահմաններում պարանոցի շրջանի հրազենային վնասվածք ախտորոշմամբ «Արմենիա» բժշկական կենտրոն է տեղափոխվել Երևանի բնակիչ 38-ամյա Կարեն Ս․-ն։
Պարզվել է, որ ժամը 21։30-ի սահմաններում Գեղարքունիքի մարզի բնակիչ 29-ամյա Սամվել Հ․-ն իր ընկերների հետ Տիգրան Մեծի պողոտա 15 հասցեի հարևանությամբ վիճաբանել է Ռոբերտ Բ․-ի ու Կարեն Ս․-ի և վերջիններիս ընկերների հետ, որի ժամանակ միմյանց հասցրել են հարվածներ, հնչեցրել հայհոյանքներ, իսկ դեռևս անհայտ անձը անհայտ տեսակի ատրճանակով կրակոցներ է արձակել Ռոբերտ Բ․-ի և Կարեն Ս․-ի ուղղությամբ, վերջիններիս պատճառելով հրազենային վնասվածքներ։
Տիգրան Մեծի պողոտայից խուլիգանություն կատարելու անմիջականորեն ծագած հիմնավոր կասկածանքով՝ ձերբակալել և Ոստիկանության Կենտրոնական բաժին են տեղափոխել Երևանի բնակիչ 53-ամյա Վազգեն Շ․-ին, Երևանի բնակիչ 43-ամյա Հակոբ Հ․-ին, Գեղարքունիքի մարզի բնակիչ 30-ամյա Արտեմ Ա․-ին, Երևանի բնակիչ 33-ամյա Հովհաննես Մ․-ին, Երևանի բնակիչ 31-ամյա Նորայր Յ․-ին, Լոռու մարզի բնակիչ 24-ամյա Մանուկ Յ․-ին և Երևանի բնակիչ 34-ամյա Վարազդատ Ա․-ին։
Իսկ արդեն այսօր՝ հուլիսի 21-ին, «Արմենիա» բժշկական կենտրոնից խուլիգանություն կատարելու հիմնավոր կասկածանքով ոստիկանները ձերբակալել և Ոստիկանության Կենտրոնական բաժին են տեղափոխել Երևանի բնակիչներ 45-ամյա Արման Ղ․-ին և 53-ամյա Արթուր Լ․-ին։
Ինչպես ավելի վաղ դեպքի վայրից հայտնել է ֆոտոլրագրողը, հուլիսի 20-ին, կրակոցներն են հնչել Երևանում: Ժամը 21:30-ի սահմաններում ՀՀ Ներքին գործերի նախարարության Ոստիկանության Երևան քաղաքի վարչությունում և ոստիկանության Կենտրոնական բաժնում տեղեկություններ են ստացվել, որ Տիգրան Մեծ պողոտայում՝ «Երևան Սիթի»-ի դիմաց, կրակոցներ են հնչել:
Դեպք վայրում հայտնաբերվել են 2 կրակված պարկուճ, դանակ, արնանման հետքեր, ակնոց:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։
