«Դավադրությունների տեսություն»-ը Հայաստանում դուրս է մղել ազգային գաղափարախոսությանը
ՀԱՍԱՐԱԿՈՒԹՅՈՒՆ
Dzen.ru-ն գրում է, որ Puerrtto խենթ ճանապարհորդը, ով սիրում է էքստրեմալ սպորտ իր բլոգում գրել է:
Թերևս Հայաստանը «դավադրությունների տեսությունների» տարածվածությամբ առաջին երկիրն է աշխարհում։ Ցանկացած երևանցի տատիկ ձեզ կասի, որ Նիկոլ Փաշինյանն Արցախը վաճառել է 5 միլիարդ դոլարով, որն անձամբ Ալիևն է Դուբայում նրան հանձնել ճամպրուկով։ Ոչ ոք չի մտածում այն մասին, թե ինչպե՞ս կարելի է 5 միլիարդ կանխիկ գումար դնել ճամպրուկի մեջ (դրա համար բեռնատար է պետք), ինչպես նաև այն, որ երբեք որևէ մեկի մտքով չի անցնում, թե ինչու՞ պետք է ընդհանրապես կանխիկ գումար տանել ճամպրուկով օֆշորային ընկերությունների և բիթքոյնների առկայության դեպքում:
Իսկ Սևանի ափին, իբր, բարձրանում է Արցախի ղեկավար Արայիկ Հարությունյանի պալատը, դա գիտեն բոլորը, նույնիսկ հարևանի շունը։ Ոչ ոք չգիտի տան ստույգ տեղը, բոլորը ցույց են տալիս տարբեր տներ ու վստահ հայտարարում, որ 100%-ով դա է։ Չեմ կարող մոռանալ, թե ինչպես այցելելեցինք մի երևանցի գործարարի, ով պարզապես տուն ունի Սևանի հյուսիսային ափին։ Ճանապարհին մեր ծանոթներից մեկը մատով ցույց էր տալիս ցանկապատի ետևում գտնվող ինչ-որ տուն և ասում, որ դա Արայիկ Հարությունյանի տունն է կառուցված ժողովրդից գողացված փողերով։ Արդյունքում պարզվեց, որ այդ տունն իրականում պատկանել է մեր ծանոթ գործարարին, այլ ոչ թե Արայիկ Հարությունյանին։ Ի՞նչն է ստիպում մտածել, որ դա Արայի տունն է. Կարենն է ասել. ո՞վ է այդ Կարենը. Աշոտի ծանոթը, ով գիտի ամեն ինչ. ո՞վ է Աշոտը...
Մեկ ուրիշն ինձ պատմեց, որ «Արմ-Քոմեդի»-ի հաղորդավարներ Նարեկ Մարգարյանն ու Սերգեյ Սարգսյանն իբր սիրեկաններ են։ Աչքերս գլխիցս դուրս թռան, որովհետև ես այդ տղաներին անձամբ եմ ճանաչում, և դա լրիվ անհեթեթություն է։ Բայց տղամարդը վստահ ասաց, որ ինֆո 100% ճիշտ է, կարդացել է համացանցում, իսկ այնտեղ երբեք չեն ստում։
Նույնիսկ ցանկացած երևանցի տատիկ ձեզ վստահորեն կասի, որ Իլհամ Ալիևը հայ է, իսկ Փաշինյանն ադրբեջանցու որդի։ Որտեղի՞ց են վերցրել դա: Ի՞նչ ես, հիմար-հիմար խոսում, բոլորը գիտեն դրա մասին։ Տատիկը ճիշտ է։ Թերթերում են գրում: Կոնկրետ ո՞ր թերթերում։ Չեմ հիշում, թե ո՞ր թերթերում, ինձ հանգիստ թողեք, դուք լրտես եք։
Իսկ վերջերս անձամբ տեղեկացա, որ ես եմ հայկական առատաձեռն նվիրատվություններով Իսրայելում տուն գնել, և հանկարծակիորեն Թուրքիայում էլ հողատարածք։ Դա այն դեպքում, երբ Իսրայելում բնակարանների գինը մեկ քառակուսի մետրի համար սկսվում է 10 հազար դոլարից։ Բայց եթե Իսրայելի հետ կապված գոնե ինչ-որ տրամաբանություն կա, ի վերջո, ես Իսրայելի քաղաքացի եմ, ապա ի՞նչ կապ ունի Թուրքիան ինձ հետ։ Ինձ այնտեղ կձերբակալեն Ադրբեջանի պահանջով, ես նույնիսկ չեմ մոտենում այդ մահմեդական երկրին և այնտեղ չեմ եղել 2018 թվականից։ Էլ չեմ ասում այնպիսի մանրուք, որ Թուրքիայի օրենքները, սկզբունքորեն, թույլ չեն տալիս օտարերկրացիներին այնտեղ հող գնել։ Իսկ Իսրայելում ծնողներս 1993 թվականին են բնակարան գնել, և ընդամենը մի երկու տարի առաջ ենք մենք՝ երեխաներս, վերջապես ավարտել հիփոթեքի վճարումը։
Եվ այս ամենը նույն պատմությունն է ինչպես Փաշինյանի ադրբեջանցի լինելու, 5 միլիարդը ճամպրուկում ու Արայիկի տան դեպքում... Կարեն/Աշոտ/Վազգենն է ասել, հաստատ գիտեն։ Ո՞վ է այդ Կարենը, Աշոտը, Վազգենը։ Չգիտեմ ով է, բայց չի ստի։
Ի դեպ, ամենատարբեր անհեթեթությունների նկատմամբ միամտության և սուրբ հավատքի աստիճանի առումով որոշ հայեր գերազանցում են իրենց ադրբեջանցի հարևաններին, որոնց պետությունը կարծես թե Կոկա-Կոլայից էլ երիտասարդ է։ Այո, հայերն առաջինն են ընդունել քրիստոնեությունը, Երևանը հին է Հռոմից, Տիգրան Մեծ և այդ նման բաներ։ Բայց դու լսում ես այս բոլոր անհեթեթություններն ու մտածում. «Կոկա-Կոլան երևի թե ավելի խելացի է, քան այստեղ ու այնտեղ գտնվողները»:
Նյութը հրապարակման պատրաստեց Կամո Խաչիկյանը
