Հայաստանի ազգային ուտեստները զարմացրել են գաստրոնոմիական փառատոնի հյուրերին
ՀԱՍԱՐԱԿՈՒԹՅՈՒՆ
Mir24.tv-ն գրում է, որ հայկական Դիլիջանում անցկացվել է գաստրոնոմիական փառատոն: Երկրի 20 ռեստորաններ ներկայացրել են իրենց ֆիրմային ուտեստները։ Հյուրերը կարող էին համտեսել յուրաքանչյուրը և նույնիսկ սովորել, թե ինչպես պատրաստել դրանք: MIR 24-ի թղթակից Աննա Հարությունյանը մի քանի բաղադրատոմս է գրել:
«Դա սովորական օշարակ է և, իհարկե, լոռամրգի հյութ», - պատմել է մասնակիցներից մեկը: Նաև ձվի սպիտակուց։ Այդ կոկտեյլը բարմենը նվիրել է Դիլիջանին։ Շուտով խմիչքը կհայտնվի տեղական ռեստորանների ճաշացանկում։
«Ես սիրում եմ տարբեր վայրերում համեղ ուտելիքներ ուտել և համեղ խմել, ինչ որ անսովոր բան, օրինակ նման կոկտեյլներ»,- ասել է Ռուսաստանից ժամանած զբոսաշրջիկ Անտոն Անդրեևը։
Վարպետության դասերին մարդիկ ինքները կարող են խմիչք կամ ուտեստ պատրաստել։ Պարզվել է, որ միջուկով տորթը` ժենգյալով հացն, ամենահեշտ խորտիկը չէ:
«Կինս շատ էր ուզում գալ այստեղ, ես նրան բերեցի և միևնույն ժամանակ փորձում եմ ժենգյալով հաց պատրաստել։ Ինչպես պարզվեց, ամենադժվարը խմորի բաժանված կտորների չափն ընտրելն է»,- պատմել է երևանցի Սերգեյ Մինասյանը։
Յուրաքանչյուր ռեստորան ներկայացրել է առնվազն մեկ ֆիրմային ուտեստ: Գյումրեցի խոհարարները պատրաստել են քյալլա՝ եփած ցլի գլուխ: Միսը մանր կտրատում են և մատուցում որպես սենդվիչ երեք տեսակի տարբեր սոուսներով։
«Կան մարդիկ, ովքեր չեն կարողանում կոնկրետ ուտեստներ ուտել, հենց նրանց համար էլ մենք մտածել ենք քյալլա մատուցելու այս ձևը։ Եվ կարծես թե դա մեզ հաջողվել է, քանի որ այն փորձող հյուրերը սիրահարվում են համին ու զարմանում, որ դա այն նույն քյալլան է»,- ասել է ռեստորանի տնօրեն Գագիկ Սերոպյանը։
Դիլիջանում անցկացվող գաստրոնոմիական փառատոնը նաև ռեստորատորների համար փորձի փոխանակման հնարավորություն էր։ Իսկ զբոսաշրջիկների համար առողջարանային քաղաք գալու և ազգային խոհանոցին ծանոթանալու ևս մեկ պատճառ: «Մենք անում ենք այնպես, որ Երևանից, երկրի այլ ծայրից մարդիկ գան, այցելեն Դիլիջան, ճանաչեն քաղաքն, ապրեն ինչ-որ հյուրանոցում, ինչ-որ տեղ ծախսեն իրենց գումարները և այլն։ Որպեսզի տեղական բիզնեսը հնարավորություն ունենա դրա վրա գումար աշխատել»,- ասել է փառատոնի կազմակերպիչ Ալիկ Օրդյանը։ Կազմակերպիչները հաջորդ տարի նախատեսում են մասնակիցների ցանկն ավելացնել Ռուսաստանի, Վրաստանի և Իրանի ռեստորանների հաշվին։
Նյութը հրապարակման պատրաստեց Կամո Խաչիկյանը
