Անպատասխան «Շենգենը». Հայաստանը չի կարողանում ԵՄ-ում կոնսենսուսի հասնել վիզայի հարցում
ՎԵՐԼՈՒԾՈՒԹՅՈՒՆՆԵՐ
Eadaily.com-ը գրում է, որ վիզաների ազատականացման թեման Հայաստանի և Եվրամիության անդամ երկրների օրակարգային հարցերից է: Այն քննարկվում է և «գրեթե բոլոր դեպքերում աջակցություն է ստանում, սակայն պետք է ԵՄ-ի կոնսենսուսային դիրքորոշումը»։ Նման հայտարարություն է արել ՀՀ ԱԳ նախարար Արարատ Միրզոյանը պատասխանելով հանրապետության խորհրդարանում պատգամավորների հարցերին։
«Մենք ակտիվորեն քննարկում ենք վիզաների ազատականացման հարցը։ Դա մեր և ԵՄ-ի կամ մեր և ԵՄ անդամ առանձին երկրների միջև օրակարգում է, սակայն նման որոշում կայացնելու համար ԵՄ-ին անհրաժեշտ է կոնսենսուսային դիրքորոշում, որը դեռ ձեռք չի բերվել»,- նշել է հայկական դիվանագիտության ղեկավարը։
Միրզոյանը խորհրդարանականներին վստահեցրել է, որ այդ ուղղությամբ աշխատանքները շարունակվում են։
Նշենք, որ վերջին ամիսներին Հայաստանում վիզաների բում է: Դա հանգեցրել է մի իրավիճակի, երբ քաղաքացիները միջնորդներին, որոշ դեպքերում տեղական տուրօպերատորներին, միջինը 15000-ից 50000 դրամ են (40-ից 130 դոլար) վճարում ընդամենը վիզայի կենտրոններ (կամ Շենգենյան երկրների դեսպանատներ) փաստաթղթեր ներկայացնելու մուտքի թույլտվություն ստանալու համար: Մի քանի ամիս առաջ բոլոր տեղերն ամրագրված են լինում ԵՄ երկրներ մուտք գործելու թույլտվության համար հերթերում։
Շենգենի աճող պահանջարկը Հայաստանում ի հայտ է եկել երկու պատճառով: Հանրապետությունից դեպի ԵՄ երկրներ թռիչքների ուղղություններն ու հաճախականությունն է ավելացել, ինչը կապված է նաև տրանսպորտի ոլորտում Ռուսաստանի դեմ ԵՄ պատժամիջոցների ներդրման և դիմողների թվի ավելացման հետ։ Բացի այդ Հայաստանում ավելացել են վիզաների համար դիմող ինչպես տեղացիներն, այնպես էլ օտարերկրացիներն, առաջին հերթին ռուսները։
Նյութը հրապարակման պատրաստեց Կամո Խաչիկյանը
