Ինչպե՞ս ազատվել մրսածությունից մեկ օրվա ընթացքում. պրոֆեսոր Ռոն Էկլզ

Ցածր ջերմաստիճանի պայմաններում մրսելը չափազանց հեշտ է։ Առավել բարդ է արագ ոտքի կանգնել։ Lifehacker.ru կայքը գրում է, որ պրոֆեսոր Ռոն Էկլզը ներկայացրել է, թե ինչպես կարելի է ազատվել մրսածությունից 1 օրվա ընթացքում։

7:00 Տաք լոգանք ընդունեք։ Բարձր ջերմության մեջ արթնանալով՝ դժվար թե ցանկություն ունենաք լոգանք ընդունելու, սակայն տաք լոգանքը չափազանց կարևոր է առողջացման համար։

8։00 Նախաճաշին մեկ բաժակ հատապտուղ կերեք։ Վիտամին C-ի անհրաժեշտ քանակն ապահովելու համար նարնջի հյութ խմեք, մեկ աման ապուր կերեք։

10։00 Ինհալացիա արեք։ Մրսածությունը կարող է հանգեցնել քթանցքերի խցանման, ինչի հետևանքով գլխացավ կունենաք։ Ցավը հաղթահարելու և շնչողիները մաքրելու համար գլուխը պահեք շոգու վրա 5 րոպե։

12։00 Զբոսանքի գնացեք։ Սառը եղանակին դժվար թե զբոսնելու ցանկություն ունենաք, բայց ճաշից առաջ կարճ զբոսանքը կլավացնի ոչ միայն տրամադրությունը, այլևս կամրացնի իմունային համակարգը։

13։00 Ճաշին մսամթերք կերեք։ Սպիտակուցն ակտիվացնում է իմունային համակարգի աշխատանքը։ Մարդիկ, ովքեր հիվանդության ընթացքում սննդակարգից բացառում են մսամթերքը, սովորաբար ավելի երկար են հիվանդ լինում։

15։00 Հեղուկներ օգտագործեք։ Խոտաբույսերով թեյերը և մյուս տաք հեղուկները կօգնեն, որ օրգանիզմն ազատվի վարակից։

18։00 Կարրի կերեք։ Կերեք ճաշատեսկներ, որոնք կարի կամ չիլի են պարունակում։ Իմբիրը, սխտորը և պղպեղը ևս հայտնի են հակավիրուսային և հակաբակտերիալ հատկություններով։ Համեմունքները կօգնեն ազատվել միկրոբներից և մաքրել շնչուղիները։

20։00 Լոգանք ընդունեք։ Հոգնած մկաններին թույլ տվեք հանգստանալ։

22։00 Քնեք 8 ժամից ոչ պակաս։ Օրգանիզմին հանգիստ է հարկավոր վերականգնվելու համար։ Լավ քունը կօգնի օրգանիզմին վերականգնել ուժերը։ Եվ ընդհանրապես իմունային համակարգի նորմալ աշխատանքի համար հարկավոր է պարբերական քուն։ Գիշերը սուրճ կամ ալկոհոլ մի օգտագործեք, երկար հեռուստացույց մի նայեք, մի աշխատեք անկողնում։

Նյութը հրապարակման պատրաստեց 168.am-ը