Ուրարտուի թագավորի մ.թ.ա. 770 թվականի վահանը կրել է անհայտ երկրի անունը
ՎԵՐԼՈՒԾՈՒԹՅՈՒՆՆԵՐ
Potokmedia.ru–ն գրում է, որ Ուրարտու հնագույն պետության թագավորի վահանը պահպանել է ավելի քան երկու հազարամյակ առաջ կորցված մոռացված երկրի անունը։
Ուրարտական թագավոր Արգիշտին իշխել է մ.թ.ա. 786 թվականից և նվաճել բազմաթիվ երկրներ Ուրարտուն դարձնելով Փոքր Ասիայի ամենաուժեղ պետությունը։ Արգիշտիի վահանը, որը վերջերս է գնվել Ռեզան Խասի թանգարանի կողմից, կրում է նրա նվաճած պետության՝ խորհրդավոր Կարինի անունը։
Վահանի վրայի մակագրությունը պարունակում էր Կարինի անունը և KUR գաղափարագիրը, որը ծառայում էր որպես հապավում։ Արքան իր արշավանքների ընթացքում նվաճել է ժամանակակից Սիրիայի մի մասը և ընդլայնել իր սահմանները մինչև Կովկաս։ Նրա նվաճած երկրներից մեկը կարելի է անվանել Կարինի, համոզված են գիտնականները։
Արձանագրությունը պատմում է ոչ միայն թագավորի մեծ նվաճումների, այլ նաև Ուրարտուի լեզվական առանձնահատկությունների մասին։ Նրանք իրենց համար հարմարեցրել են ասորական սեպագիրը, բոլոր տիրակալները բացի Սարդուրի I-ից և նրա որդի Իշպուինիից գրել են հին լեզվով, միայն Արգիշտիի օրոք է սկսել գործածվել սեպագիրը։
Վահանն ինքնին հայտնաբերվել է Թուրքիայի արևելքում գտնվող Ագրա Պատնոս հնագույն ամրոցում, նրա տրամագիծը 40 սանտիմետր է, և բացի գրությունից, զարդարված է շրջանաձև նախշերով։ Ուրարտու պետությունը գտնվում էր ժամանակակից Հայաստանի տարածքում՝ Թուրքիայից արևելք, ձգվում էր Իրանի հյուսիս-արևմուտք մինչև Ադրբեջան, բայց դադարել է գոյություն ունենալ մ.թ.ա. 6-րդ դարում։
Նյութը հրապարակման պատրաստեց Կամո Խաչիկյանը
