Ասում է՝ խաբեցի, դավաճանեցի, դուք հավատացիք, ուրեմն դուք եք մեղավոր, չհավատայիք. Կյուրեղյանը՝ Փաշինյանի մասին

Սիրելի՛ ժողովուրդ, այս անձը հայտարարում է, որ ինչ-որ ցավոտ կոմպրոմիսների է գնալու և դուք այն կհասկանաք և կընդունեք: Այս մասին այսօր՝ ապրիլի 21-ին, ԱԺ-ում իր ելույթի ժամանակ նշեց «Հայաստան» խմբակցության պատգամավոր Արմենուհի Կյուրեղյանը՝ անդրադառնալով վարչապետ Նիկոլ Փաշինյանին:

Պատգամավորը շեշտեց, որ ժողովուրդը Փաշինյանին նման լիազորություն չի տվել, քանի որ նախընտրական ծրագրով մի բան է գրված  բայց արել են այլ բան:

«Այս մարդը խոստովանեց, որ ձեզ խաբել, դավաճանել է, ինքն իր խոստումին դավաճանել է, ձեզ՝ իր ընտրողին, վարչապետ դառնալիս՝ տված երդմանը: Դեռ ավելին, գլուխ է գովում, թե դուք կհասկանաք և ինքը պետք է գնա ցավոտ կոմպրոմիսների, թեկուզ վստահ չէ որ դրանք կապահովեն իր կողմից այդքան չարչրկված խաղաղությունը: Ըստ էության, նա հայտարարեց հետեւյալը՝ ես ձեզ խաբեցի, դավաճանեցի՝ դրժելով իմ խոստումները ու դուք ինձ հավատացիք: Ուրեմն դուք եք մեղավոր, չհավատայիք, չխաբվեիք»,-ասաց Կյուրեղյանը:

Նա  հայտնեց, որ Փաշինյանը գիտակցել է այդ իրողությունը և այդ պատճառով էլ այդքան թիկնապահներով է ներկայանում ԱԺ. «Նա երեւի իր թիմից էլ է վախենում,  չէ որ հայտարարել է Արցախը և արցախահայությունը՝ ադրբեջանական և Ադրբեջանի կազմում լինելու մասին, իսկ իր թիմակիցը խոստացել է կտրել այն մարդու լեզուն ու ականջը, ով հայ ժողովրդին կանվանի ադրբեջանաթուրքական, իսկ մյուսն էլ խոստացել է, որ եթե պետք լինի, ապա էլի կթքի»:

Ընդդիմադիր պատգամավորը կարծիք հայտնեց, որ գործող իշխանությունները հետևողականորեն Արցախը հանձնելու գիծ են վարում. «Ես ասել և կրկնում եմ, որ ունեմ ողջամիտ կասկած առ այն, որ ձեր ուժը եկել է հստակ ծրագրով՝ Արցախը հանձնելու ծրագրով»,-հայտարարեց Կյուրեղյանը և նկատեց, որ դրանում համողզվելու համար  պետք է տեսնել երկիրը կապիտուլացիայի տանող բոլոր քայլերն, որոնք արել է գործող իշխանությունը:

Ընդդիմադիր պատգամավորը դիմեց ժողովրդին, որպեսզի լավ տեսնի իշխանությունների իրական դեմքը և հայտարարեց. «Ժողովրդի վարելու փոխարեն , ժողովրդին է վարում