ԲԴԽ անդամներ են ընտրվել դատավորներ Արթուր Աթաբեկյանն ու Արշակ Վարդանյանը

Ապրիլի 7-ին  դատավորների ընդհանուր ժողովը ԲԴԽ անդամներ ընտրեց դատավորներ Արշակ Վարդանյանին և Արթուր Աթաբեկյանին։

Իրավաբանական հանրությունը՝ փաստաբանները, իրավաբանները, դատավորները այս ընտրությանը դրական են վերաբերվում, քանի որ, ըստ նրանց, դատավորներն ըմբոստություն են ցուցաբերել և իշխանության «սրտի թեկնածու» Ռուբիկ Մխիթարյանին չեն ընտրել։

Թեմային անդրադարձել է ԲԴԽ նախկին նախագահ Ռուբեն Վարդազարյանը: «Իրականում շնորհավորում եմ ՀՀ բոլոր դատավորներին: Վստահ եմ, որ պարոն Վարդանյանը տարբերություն չի դնի իրեն ընտրած ու չընտրած դատավորների միջեւ: Եվ ամենակարեւորը, դատավորները ցույց տվեցին, որ դատական իշխանությունը դեռ կենդանի է եւ ապաքինման հույս դեռ կա»,- ֆեյսբուքյան իր էջում գրել է Վարդազարյանը:

Իրականում դատական իշխանությունը, թեև մեծ մասը հեղափոխությունից հետո նշանակված են, սակայն հստակ գիտակցում են առկա մարտահրավերները: Իշխանությունը միանշանակ ցանականում է ԲԴԽ անդամի դերում տեսնել Ռուբիկ Մխրիթարյանին, ում մասին խոսելիս փաստաբանները կատակում են, թե նա վերաքննիչ դատարանի Մնացական Մարտիրոսյանն է: Դատավարների գնահատման սանդղակով, որտեղ բացառապես քվերակում են միայն փաստաբանները, Մխիթարյանի վարկանիշը -1 է: Ի դեպ, նրա դեմ ԲԴԽ-ում հարուցված վարույթ է առկա: Նա քաղաքական-քրեական գործով հայտնի է կալանքի որոշմուներ կիրառելու պրակտիկայով՝ Նարեկ Մանթաշյան, Արմեն Չարչյան, Աղվան Հովսեփյան, Ռոբերտ Քոչարյան և այլն:

Այս ամենից զատ, ԲԴԽ անդամներ ընտրված Արշակ Վարդանյանի և Արթուր Աթաբեկյանի վարկանիշը համապատասխանաբար 78 և 14 է: Փաստաբան Երվանդ Վարոսյանը, կարծիք հայտնելով դատավորների ընտրության վերաբերյալ, մասնավորապես ասել է. «Արշակ Վարդանյանին որպես դատավոր ճանաչում եմ երևի թե նրա կարիերայի սկզբից։ Միշտ աչքի է ընկել որպես բանիմաց, անկախ, օրինական որոշումներ կայացնելուց չվախեցող անձնավորություն։ Շատ ուրախ եմ, որ նա է լինելու ԲԴԽ-ում։ Հատկապես հիմա, երբ ԲԴԽ-ում վայրենի «կոնսենսուս» է տիրում։ Աթաբեկյանի մասով անձամբ որևէ կարծիք արտահայտել չեմ կարող։ Նա քաղաքացիական մասնագիտացում ունի, ես՝ քրեական։ Ամեն դեպքում, քաղաքացիական մասնագիտացմամբ գործընկերներս առանձին զրույցներում նրա մասին շատ դրական են արտահայտում»։

Դատական համակարգի այս ըմբոստ որոշումը ողջունել են նաև այլ իրավապաշտպաններ և ՀԿ ղեկավարները:

Աննա Ավետիսյան