Նիկոլ Փաշինյանը ընդդեմ Ալեն Սիմոնյանի
ՎԵՐԼՈՒԾՈՒԹՅՈՒՆՆԵՐ
Նիկոլ Փաշինյանի որդին Աշոտ Փաշինյանը երեկ անձամբ է հերքել իր վրա հարձակման մասին տեղեկությունը։ «Իմ հանդեպ որևէ քաղաքական կամ այլ բնույթի հարձակում տեղի չի ունեցել»,- գրել է Աշոտ Փաշինյանն ու հավելել. «Ինչ վերաբերում է տեղեկության տարածմանը , կարծում եմ ամենազարմանալին այն է, թե ով՝ ում է ցիտում, իսկ թե ինչո՞ւ, նույնիսկ հետաքրքիր էլ չէ»։
Հիշեցնենք՝ Աշոտ Փաշինյանի դեմ հարձակման մասին հայտարարել էր Ազգային ժողովի նախագահ Ալեն Սիմոնյանը՝ վերջերս տեղի ունեցած դեպքերը կապելով իրար հետ և արտերկրում։ Թերևս ոստիկանությունն էլ, այլ իրավապահ մարմիններն էլ հերքեցին Աշոտ Փաշինյանի դեմ հարձակումը։ Այդքանից հետո սպասելի էր, որ իշխանությունը ծածկադմբոց կանի տեղեկությունը, ընթացք չի տա՝ փորձելով մաքրել Ալեն Սիմոնյանին, սակայն իրադարձություններն ընթացան հակառակ ուղղությամբ։
Հենց Նիկոլ Փաշինյանի ընտանիքին պատկանող թերթը տարածեց Աշոտ Փաշինյանի հերքումը, որն էլ այնուհետև սկսեցին տարածել իշխանության տարբեր ներկայացուցիչներ, այդ թվում նաև Նիկոլ Փաշինյանի կինը ՝ Աննա Հակոբյանը։ ԹԵև գրառման մեջ Ալեն Սիմոնյանի անունը չէր նշվում, ակնհայտ էր, որ դա ուղղված է հենց վերջինիս դեմ։
Մեր աղբյուրների փոխանցմամբ՝ «Քաղպայմանգրում» չափազանց ծանր են տարել Ալեն Սիմոնյանի նախօրեին տված հարցազրույցը, որտեղ Ազգային ժողովի նախագահը հայտարարել էր, թե Հռոմի ստատուտն արագ վավերացնելու անհրաժեշտություն Հայաստանն այսօր չունի, դա ոչ դրական քայլ է Ռուսաստանի նկատմամբ։
Ըստ իշխող ուժի, Սիմոնյանն այդկերպ պաշտոնական քաղաքականությանն է դեմ գնացել։ Թերևս հենց դրանով էր բացատրվում Ալեն Սիմոնյանի շուրջ զարգացումները, որին երեկ նույնիսկ մի պահ միացավ Հայաստանի առաջին նախագահ Լևոն Տեր-Պետրոսյանը՝ նշելով, թե «Ազգային ժողովը և առաջին հերթին «Քաղաքացիակնա պայմանագիր» խմբակցությունը ժողովրդի առջև իր վարկը վերջնականապես չկորցնելու համար պարտավոր է նախաձեռնել Ալեն Սիմոնյանի պաշտոնանկության հարցը։ Ես ամենևին չեմ չափազանցնում նրա արածը մեր պետականության վարկին հասցված ամենամեծ վնասն է, ինչը հնարավոր է վերացնել միայն վերջինիս պաշտոնազրկման գնով»։
Տեր-Պետրոսյանին պատասխանեց Ալեն Սիմոնյանը, Ալեն Սիմոնյանին՝ Տեր-Պետրոսյանի խոսնակը, վերջինիս էլ՝ Ալեն Սիմոնյանի խոսնակը։ Ընդսմին, Ազգային ժողովի նախահգահը շարունակեց իր հոխորտանքները՝ պնդելով, որ լավ է արել։ Թեև լրատվամիջոցներում տեղեկություններ էին շարունակվում, որ երեկոյան «Քաղպայմանագիրը» վարչության նիստ է գումարելու՝ Նիկոլ Փաշինյանի գլխավորությամբ և քննարկելու են Ալեն Սիմոնյանի պաշտոնանկության հարցը, սակայն այդպես էլ որևէ կերպ այդ տեղեկությունը չհաստատվեց։
Թեպետ, մեր աղբյուրների փոխանցմամբ՝ Փաշինյանն ու իր ընտանիքը ամեն ինչ փորձում են անել՝ Ալեն Սիմոնյանից ազատվելու համար, իսկ այս առիթը չափազանց հարմար տարբերակ է հենց Փաշինյանի համար՝ օրեցօր ուժեղացող ԱԺ նախագահից ազատվելու, առավել ևս, որ վերջինիս պատվել և անձամբ էր արձագանքել Լևոն Տեր- Պետրոսյանը։
Արեն Ավագյան
