Ռուսաստանի ծաղկաբուծները դժգոհում են էժան ներկրումից
ՎԵՐԼՈՒԾՈՒԹՅՈՒՆՆԵՐ
Novostivl.ru-ն գրում է, որ ռուս ծաղկաբուծները մտահոգված են այլ երկրներից չափազանց էժան ներկրմամբ, ինչը խոչընդոտում է ներքին շուկայի զարգացմանը:
Ծաղկավաճառների ազգային ասոցիացիայի նախագահ Ալեքսեյ Անտիպովը խոսել է էկզոտիկ երկրներից ներմուծումների հետ կապված հակադեմփինգային հետաքննություն սկսելու անհրաժեծտության մասին։ Նրա խոսքով էժան ներկրումը վնաս է հասցնում ռուս արտադրողներին, որոնց մասնաբաժինը ծաղկի շուկայում կազմում է ընդամենը 17 տոկոս։
Անտիպովը պնդում է, որ հայրենական ծաղկաբուծները կարողանում են փոխարինել ներմուծման գոնե մի մասը, սակայն դրան խանգարում է ներմուծման շատ ցածր մաքսատուրքը, որը նվազել է մինչև հինգ տոկոսի, ընդ որում Էկվադորից և Քենիայից մատակարարողները խանգարում են ոչ միայն Ռուսաստանի ծաղկաբուծներին, այլ նաև Հայաստանից, Ղազախստանից և Բելառուսից Ռուսաստան ծաղիկ արտահանողներին:
Հետաքննություն սկսելու համար անհրաժեշտ է ցույց տալ ոլորտին հասցված վնասը։
Ծաղկի գործարաններից պահանջվում է ունենալ վերջին 5 տարվա բոլոր հաշվետվությունները և էլեկտրոնային տվյալները: Ինչ վերաբերում է ապրանքների ինքնարժեքին, Անտիպովը մեկնաբանել է, որ յուրաքանչյուր գործարան ունի իր ինքնարժեքը, և կան բազմաթիվ գործոններ, որոնք ազդում են վերջնական գնի վրա, բայց այդ գործոնները ավելի ու ավելի են ավելանում համապատասխան թանկացող ծախսերի պատճառով։
Նյութը հրապարակման պատրաստեց Կամո Խաչիկյանը
