Արսեն Թորոսյանը խառնել է միջազգային կառույցներին, որ խուսափի պատասխանատվությունից
ՎԵՐԼՈՒԾՈՒԹՅՈՒՆՆԵՐ
Առողջապահության նախկին նախարար Արսեն Թորոսյանի շուրջ գործընթացները՝ կապված կոռուպցիոն բացահայտումների հետ, վերջին օրերին արգելակվել են։
Հիշեցնենք՝ Երևանի փոխքաղաքապետ, առողջապահության նախկին նախարար Գևորգ Սիմոնյանին և մի քանի այլ բժիշկների կալանավորել են։ Տեղեկություններ են շրջանառվում, որ այս կոռուպցիոն համակարգի մեջ անմասն չէ նաև Արսեն Թորոսյանը, իսկ «Քաղաքացիական պայմանագիր» խմբակցությունը մեծ հաճույքով կողմ կքվեարկի գլխավոր դատախազի միջնորդությանը՝ Թորոսյանի դեմ քրեական հետապնդում հարուցելու, կամ էլ հենց կալանավորելու վերաբերյալ։
Եթե նախորդ օրերին խոսվում էր, թե Փաշինյանը ինքը դեմ չէ Արսեն Թորոսյանից քավության նոխազ կերտելու և նրան զոհաբերելու հնարավորությանը, ապա այժմ որոշակի իրավիճակ է փոխվել։ Ի դեպ, բոլոր կալանավորվածները արդեն ցուցմունքներ են տվել և, մեր տեղեկություններով, ուշագրավ մանրամասներ են հայտնել Արսեն Թորոսյանի գործունեության վերաբերյալ։ Թորոսյանը Նիկոլ Փաշինյանի հետ անձնական հանդիպման չի կարողացել հասնել, ուստի և գործի է դրել միջազգային կառույցներում իր կապերը։
Հիշեցնենք, որ Թորոսյանը Առողջապահության համաշխարհային կազմակերպության ներկայացուցիչն է Հայաստանում և թե՛ կորոնավիրուսի և թե՛ մյուս այլ բոլոր դեպքերում անխոչընդոտ կատարել է «մաֆիոզ» այդ կառույցի դիլեկտիվները, զգալի միջոցներ հատկացրել պետական բյուջեից՝ պարտադիր պատվաստումների համար։
Թորոսյանը նաև առաջ է մղում «Գարդասիլի» և այլ խնդրահարույց պատվաստումների քարոզը Հայաստանում, թեպետ թե՛ միջազգային և թե՛ տեղական բազմաթիվ փորձագետներ նշում են այդ պատվաստումների ռեալ վտանգը։ Ուստի, այժմ էլ, Թորոսյանը փորձում է այդ կառույցների միջոցով դուրս գալ Նիկոլ Փաշինյանի վրա և նրան համոզել՝ իր դեմ քրեական գործեր չհարուցել:
Արսեն Թորոսյանի համար առանձին մի պայքար էլ մղում է Տիգրան Ավինյանը, վերջինս գիտակցում է, որ ի վերջո, սլաքներն ուղղվելու են իր դեմ որպես պարետի, իսկ Թորոսյանի պես միջանկյալ օղակին արանքից հանելուց հետո, Ավինյանը հնարավորություն կունենա մաքրվել և քրեական պատասխանատվության չենթարկվել։
Մեր աղբյուրի փոխանցմամբ, երբ Առողջապահության համաշխարհային կազմակերպության ազդեցիկ դեմքերը դուրս են եկել Նիկոլ Փաշինյանի վրա, վերջինս կրկին «հիշել է» փողով նյութ գրող իր խմբագրի անցյալը և այժմ էլ փորձում է մի բան կպցնել ստեղծված նոր իրավիճակից, նոր պայմանավորվածությունների հանգել ԱՀԿ ներկայացուցիչների հետ։
Սուրեն Կիրակոսյան
