Նոր ապտակ Նիկոլ Փաշինյանին միջազգային կառույցներից

Մինչ Հայաստանի գործող վարչախումբը շարունակում է «ժողովրդավարության» դրոշը թափահարելով ամբողջ աշխարհին իբր համոզել, թե Հայաստանը ժողովրդավարության բաստիոն է, իսկ ՀՀ իշխանությունների բարեփոխումները օրինակելի են ողջ աշխարհի համար, փաշինյանական վարչախումբը երեկ հերթական ապտակն է ստացել։

«Ֆրիդոմ հաուս» միջազգային իրավապաշտպան կազմակերպությունը հրապարակել է «Ազատությունն աշխարհում 2023» տարեկան զեկույցը, փաստել, որ Հայաստանը շարունկում է դասվել մասնակի ազատ երկների շարքին։ Ավելին, Հայաստանի վարկանիշը 2022 թվականին գնահատվել է 54՝ 100 բալանոց սանդղակով։ Մինչդեռ դրանից 1 տարի առաջ ավելի բարձր էր՝ 55 միավոր։ Թեև զեկույցում փաաստում են, որ ադրբեջանական սեպտեմբերյան հարձակումները Հայաստանի ինքնիշխան տարածքի վրա զգալի ազդեցություն են թողնել Հայաստանի ժողովրդավարական հետագծի վրա և արժանի են հատուկ քննության, փաստն այն է, որ միջազգային իրավապաշտպան կազմակերպությունը Հայաստանը ժողովրդավարական չի համարում, ընդ որում հեղինակավոր այս կազմակերպության կարծիքը կարևոր է ողջ աշխարհում։ Նույնիսկ հարևան Վրաստանը, որը վերջին շրջանում զգալի քննադատությունների է ենթարկվում Արևմուտքի կողմից, շատ ավելի բարձր միավորներ է ստացել։ Ադրբեջանն իհարկե հայտնվել է ավտորիտար երկրների ցանկում, սակայն այս հանգամանքն առանձնապես չի մտահոգում Ալիևին, այդ երկիրը վաղուց է ոչ ազատ երկրների թվում և ալիևյան վարչակազմը նույնիսկ չի էլ փորձում ժողովրդավարության մասին կեղծ դատողություններ անել, իսկ Նիկոլ Փաշինյանի իշխանությունը որքան ավելացնում է իր ժողովրդավար լինելու խոսակցությունների դոզան, այնքան միջազգային իրավապաշտպան կազմակերպությունները ավելի լայն ապտակներ են հասցնում՝ ծաղրելով և պարզ հասկացնելով, որ ժողովրդավարությունը որպես բրենդ հռչակելը ընդամենը ներքին լսարանին մանիպուլացնելու և խաբելու համար է, միջազգային հանրությունը հրաշալի գիտի, թե ով՝ ով է։

Արթուր Ազատյան