Հայաստանն ավելացել է տրիկոտաժի արտահանումը
ՀԱՍԱՐԱԿՈՒԹՅՈՒՆ
Mir24.tv-ն գրում է, որ Հայաստանը մեծացրել է տրիկոտաժի արտադրանքի արտահանման ծավալները: Անցած տարեվերջին այդ ցուցանիշն աճել է ավելի քան 15%-ով։ Երկրում արդյունաբերության այդ ճյուղը առաջատարների թվում է։ Տրիկոտաժեղենը մատակարարվում է Եվրասիական տնտեսական միության երկրներին և Եվրոպային։ МИР 24-ի թղթակից Նոնա Հովհաննիսյանը պարզել է, թե որ ապրանքներն են ամենատարածվածները:
Գործվածքը «լազերով» կտրելը տևում է ընդամենը հինգ րոպե: Տեխնոլոգիաների գալուստով գործարանում աշխատանքը արագացել է: Միաժամանակ կարելի է կտրել 150 շերտ։ Դրանցից ձեռք են բերվում մանկական հավաքածուների համար նախատեսված շաբլոններ՝ շորտեր շապիկներով։
«Գծագիրը արված է միլիմետրի ճշգրտությամբ, որպեսզի կարողանանք օգտագործել ամբողջ կտորը։ Համակարգչային կոնստրուկտորը սահմանում է այն ծրագիրը, ըստ որի մենք հետագայում աշխատելու ենք»,- ասել է տեքստիլ ֆաբրիկայի կտրիչ Վահե Պողոսյանը։
Գործարանում ռուսական շուկայի համար բնական գործվածքներն ու վառ պրինտները հագուստի մեծ խմբաքանակ են կազմում: Ամենահայտնի ապրանքը մանկական հագուստն է: Աշխատանքի մի մասը կատարվում է ձեռքով։
«Երեխաների բոդիների վրա նշաններ եմ դրել։ Ես ունեմ կաղապար, ըստ որի որոշում ենք, թե որտեղ պետք է կարել կոճակները»,- ասել է տեքստիլ գործարանի բանվոր Արուսյակ Ազատյանը։
Գործարանի արտադրանքի 90%-ն արտահանվում է։ Հիմնական ուղղությունը ԵԱՏՄ երկրներն են։ Տեսականին տատանվում է գուլպաներից մինչև տնային կոստյումներ: Կարում են նաև կոմբինեզոններ։
«Մեր գործարանում ամեն օր կարվում է 20-25 հազար հագուստ: Ակտիվորեն համագործակցում ենք նաև հայտնի ապրանքանիշերի հետ, որոնց համար կարում ենք նրանց արտադրանքը»,- ասել է գործարանի ղեկավար Ժորա Մովսեսյանը։
Հայաստանում կարի արդյունաբերության աշխատանքի արտադրողականությունը մինչև 2026 թվականը կավելանա 80 տոկոսով. Զարգացման ծրագիրն արդեն հաստատված է։ Այդ նպատակների համար պետությունը կհատկացնի մոտ 14 միլիարդ դրամ, որը կազմում է գրեթե երկուսուկես միլիարդ ռուբլի։
Այսօր Հայաստանում տեքստիլ արդյունաբերության մեջ աշխատում է շուրջ 260 ընկերություն, ավելի քան 8000 մարդ աշխատուժով։
Նյութը հրապարակման պատրաստեց Կամո Խաչիկյանը
