Բաքվի «հերոսները»՝ Լաչինի միջանցքի բնապահպանները
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ Ադրբեջանական սադրիչների կողմից Արցախի Հայաստանին և արտաքին աշխարհին կապող միակ ցամաքային ճանապարհի՝ Լաչինի միջանցքի շրջափակումը շարունակվում է։ Արցախցիները այդ ճանապարհն անվանում են «Կյանքի ճանապարհ»։
Հիշեցնենք, որ 2020 թվականի նոյեմբերի 9-ին է Ռուսաստանի, Ադրբեջանի և Հայաստանի միջև կնքվել պայմանագիր, ըստ որի ռուս խաղաղապահներին վստահվել է Լաչինի միջանցքի պաշտպանության և անձեռնմխելիության բացառիկ իրավունքը հինգ տարի ժամկետով։ Բայց այդ համաձայնագրի ստորագրման առաջին իսկ օրերից Ադրբեջանը աֆրիկյան բորենու նման փորձում է խախտել պայմանավորվածությունները։ Օրինակ համաձայնագրից հետո առաջին օրերին գերեվարեց մի խումբ հայ զինծառայողների և քաղաքացիական անձանց։ Իսկ մեկ ամիս անց՝ դեկտեմբերի 12-13-ին, հարձակվեց Ղարաբաղի հայկական դիրքերի վրա և կարողացավ գերեվարել հարյուրից ավելի հայ կամավորների, որոնք գտնվում էին ԼՂՀ ՊԲ-ի կողմից վերահսկվող ԼՂՀ Հադրութի շրջանի արևմտյան հատվածում։ Նրանցից ոմանք դեռ գերության մեջ են։ Ռազմագերիներից ոմանք ապօրինի դատապարտվել են ադրբեջանական դատարանի կողմից։ 2020 թվականի նոյեմբերի 9-ի հայտարարությունը սահմանում էր, որ կողմերը ռազմագերիներին փոխանակում են բոլորը բոլորի դիմաց սկզբունքով, սակայն Ադրբեջանը կոպտորեն խախտել է այս պայմանագիրը։ Մինչ այժմ ադրբեջանական գերության մեջ են գտնվում մինչև հարյուր հայ ռազմագերիներ։
Ադրբեջանի Հանրապետությունը հիմա էլ շարունակում է իրեն նույն կերպ անամոթաբար պահել։ Բաքվի ռեժիմի թելադրանքով՝ ժառանգական բռնապետ Ալիև 2-րդի գլխավորությամբ, որոշվեց արգելափակել Լաչինի միջանցքը։ Ճանապարհը փակվել է 2022 թվականի դեկտեմբերի 12-ին, այսպես կոչված, ադրբեջանցի «բնապահպանների» կողմից։ Ճանապարհի շրջափակումը նշանակում է Ադրբեջանի հերթական հանցագործությունը Լեռնային Ղարաբաղի 120.000 բնակչության նկատմամբ, որից ավելի քան 30.000-ը երեխաներ են։ Արցախում հումանիտար աղետ է մոտենում. Խանութներում մթերք չկա, մանկական սնունդ չկա, հիվանդների դեղերը վերջացել են։ Բացի այդ, ադրբեջանցի ֆաշիստները մի քանի անգամ կտրել են գազը (գազը ռուսական է և Ղարաբաղ է գալիս Հայաստանից)։ Նաև անջատել է բարձրավոլտ էլեկտրահաղորդման գիծը, ինտերնետը և այլն։
Այսպիսով, Ադրբեջանի Հանրապետությունը փաստացի բռնել է պետական ահաբեկչության ճանապարհը։
Կեղծ բնապահպանների ադրբեջանցի ակտիվիստների թվում կան բազմաթիվ սրիկաներ, սադրիչներ, քաղաքական արկածախնդիրներ, այդ թվում ռազմական հանցագործներ։
Ադրբեջան կոչվող թուրքական մինի սուլթանությունը կեղծ բնապահպանների գործողություններում ակտիվորեն օգտագործում է ռազմական սադրիչների։ Սա ևս մեկ ապացույց է, որ Բաքվի ռեժիմը զբաղված է պետական ահաբեկչությամբ։
Ուշադիր բլոգերներն ու լրագրողները Լաչինի միջանցքի «բնապահպանների» մեջ հայտնաբերել են ոչ միայն հերթական սադրիչի, այլ նաև ռազմական սադրիչի։ Ադրբեջանական բանակի այդ զինծառայողը, պարզվել է,որ պահեստային Աֆիեդին Ալիևն է (անձնական համարը՝ ω (օմեգա) 1651)։ Մի քանի տարի առաջ Աֆիեդին Ալիևը համացանցում լուսանկարվել էր իր ընկերոջ՝ ադրբեջանցի ռազմական հանցագործ Էլնուր Ֆարզալիևի հետ։
Էլնուր Ֆարզալիևը 2016 թվականի ապրիլին Արցախի դեմ Ադրբեջանի զինված ագրեսիայի ժամանակ, գլխատել է մարտական դիրքում զոհված ազգությամբ եզդի հայ զինծառայող Քյարամ Սլոյանին «ավարը» պտտել ադրբեջանական գյուղերում:
Համացանցում կարելի է գտնել 21-րդ դարի ներկայիս ադրբեջանական բաշի-բազուկների կողմից ընդունված միջնադարյան այդ վայրի ծեսի համապատասխան տեսանյութերը։ 2016 թվականին բազմաթիվ քրդական և եզդիական կազմակերպություններ դատապարտել են ադրբեջանական զինված ուժերի այդ վայրի ոճրագործությունը և իրենց համերաշխությունը հայտնել հայ ժողովրդին։
Նշենք, որ համաշխարհային եզդիական և քրդական կազմակերպությունները որս են հայտարարել ռազմական հանցագործ Էլնուր Ֆարզալիևի նկատմամբ։ Եվ հույս ունենք, որ մի օր հատուցում կլինի։
Ադրբեջանի ժառանգական բռնապետ Ալիևը ռազմական հանցագործ Էլնուր Ֆարզալիևին պարգևատրել է մեդալով։ Լուսանկարներ ինտերնետում բաց աղբյուրներից
Ադրբեջանի ժառանգական բռնապետ Ալիեւը ռազմական հանցագործ Էլնուր Ֆարզալիեւին պարգեւատրել է մեդալով։
Բաքվի ռեժիմը գենետիկ մակարդակով կատաղի հայատյացություն է տարածում: 2004 թվականի փետրվարի 19-ին հայկական բանակի լեյտենանտ Գուրգեն Մարգարյանը, ով ուղարկվել էր Բուդապեշտ անգլերեն սովորելու, ադրբեջանցի սպա Ռամիլ Սաֆարովի կողմից քնած ժամանակ դաժանաբար կացնահարվել էր։ 2006 թվականի ապրիլի 13-ին Բուդապեշտի առաջին ատյանի դատարանը Սաֆարովին դատապարտեց ցմահ ազատազրկման առանց 30 տարի ներման իրավունքի։
Սակայն 2012 թվականի օգոստոսի 31-ին Հունգարիայում ցմահ դատապարտված Սաֆարովին արտահանձնեցին հայրենիք։ Նույն օրը Ադրբեջանի բռնապետ Իլհամ Ալիևը նրան ներում շնորհելու մասին հրամանագիր ստորագրեց։ Ադրբեջանի ՊՆ-ն ստոր մարդասպանին վճարեց ազատազրկման ողջ ընթացքում (ավելի քան ութ տարի) կուտակված աշխատավարձը, բնակարան հատկացրեց, ինչպես նաև շնորհեց մայորի կոչում։ Նշենք, որ Սաֆարովը ոչ միայն սպանել էր քնած Գուրգեն Մարգարյանին, այլ նաև կացնով 16 հարված է հասցրել հայ սպայի դեմքին՝ դրանով իսկ գրեթե անջատելով նրա գլուխը մարմնից։
Մի քանի տարի առաջ ռուս հայտնի հրապարակախոս Ռոման Սևանսկին իր «Մարդասպան Ռամիլ Սաֆարովի հերոսացումը կամ որոշ սուբյեկտիվ նշումներ նոր կովկասյան բարոյականության մասին» հոդվածում նշել է հետևյալը. «Հաշվի առնելով Սաֆարովի հերոսացման փաստը, հարկ է նշել Կովկասում հերոսների նկատմամբ առանձնահատուկ վերաբերմունքի մասին։ Հին ժամանակներից այնտեղ բարձր են գնահատել ռազմիկների այնպիսի հատկանիշներ, ինչպիսիք են քաջությունը, ազնվությունը, ուժն ու քաջությունը։ Այս հատկանիշները լիովին և առանց բացառության վերաբերում են ողջ Կովկասի հերոսներին։ Այս ֆոնին Սաֆարովի կողմից քնած հայ սպա Մարգարյանի սպանությունը նենգ, ստոր ու անպատվաբեր արարք է թվում։ Նման հակահերոսները միշտ արհամարհված են եղել Կովկասում»։
Երկար տարիներ պետական մակարդակով հակահայկական քարոզչությունը, հայի կերպարի դեմոնիզացումը դրսևորվել են նաև վերջին պատերազմի ժամանակ: Ադրբեջանում հայի սպանությունը հանցագործություն չի համարվում, իսկ նրա դիակի ծաղրը դրական գնահատականներ է ստանում ադրբեջանական հասարակություն կողմից: Ադրբեջանի զինված ուժերում ռազմատենչ ահաբեկչության ապացույցներ կարելի է բերել բազմաթիվ փաստերով: 2020 թվականի աշնանը Արցախի դեմ Ադրբեջանի և 2022 թվականի սեպտեմբերին Հայաստանի ագրեսիայի ընթացքում խաղաղ բնակչության և հայ զինվորականների նկատմամբ իրականացվել են զանգվածային ռազմական հանցագործություններ։ Օրինակ. 2020 թվականի հոկտեմբերին Հադրութում դաժան մահապատիժը երկու խաղաղ բնակիչների՝ պապիկի և թոռան նկատմամբ։ Երբ հայտնվեց անզեն հայերի անմարդկային մահապատժի տեսանյութը, Ադրբեջանը հայտարարեց, որ այդ ամենը հայերի բեմականացված կեղծիքն է, թեև օրվա առաջին կեսին հենց ադրբեջանական ալիքներն էին հաղորդում այդ մարդկանց գերեվարման մասին տեսանյութը։ Հետո այդ տեսանյութերը հապճեպ հեռացվեցին ադրբեջանական ալիքներից որպես կոմպրոմատ։ Հրապարակային և զանգվածային պատերազմական հանցագործության վերջին փաստը հայկական Ջերմուկ քաղաքի տարածքում մի խումբ հայ անզեն ռազմագերիների մահապատիժն է 2022 թվականի սեպտեմբերին Հայաստանի դեմ Ադրբեջանի ագրեսիայի ժամանակ։
Վերադառնալով հոդվածի սկզբնական թեմային, ինչպես նաև ադրբեջանցի «բնապահպաններից»՝ մարտական հանցագործ Էլնուր Ֆարզալիևի մտերիմ ընկեր, դրոշակառու Աֆիեդին Ալիևի կերպարին, կարելի է իրավիճակը բնութագրել մեծ իսպանացու՝ Սերվանտեսի խոսքերով, ով դեռ 17-րդ դարում իր «Դոն Կիխոտ» վեպում ասել է. «Ասա ինձ, թե ով է քո ընկերը, և ես կասեմ, թե ով ես դու»:
Նյութը հրապարակման պատրաստեց Կամո Խաչիկյանը
