Հայաստանում մեկնարկել է անպտղության բուժման լայնածավալ ծրագիր
ՀԱՍԱՐԱԿՈՒԹՅՈՒՆ
Mir24.tv–ն գրում է, որ Հայաստանում այս տարի մեկնարկել է անպտղության բուժման լայնածավալ ծրագիր։ Ախտորոշման, հետազոտության և IVF պրոցեդուրաների հիմնական ծախսերը հոգում է պետությունը, հայտնել է МИР 24-ի թղթակից Իրինա Մկրտչյանը։
Էմմա Հակոբյանի և նրա ամուսնու համար արտամարմնային բեղմնավորումը վերջին հույսն է: Հինգ տարի շարունակ զույգը փորձել է երեխա ունենալ։ Արդյունքում նրանք եկել են խորհրդակցության Մարդու վերարտադրողական կենտրոնում։
«Յուրաքանչյուր կնոջ համար անսահման երջանկություն է իմանալ, որ նա հղի է։ Հանուն երեխայի մենք պատրաստ ենք ամեն ինչի։ Չեմ էլ հիշում, թե ինչքան գումար ենք ծախսել տարբեր վայրերում բուժվելու համար»,- պատմել է Էմմա Հակոբյանը։
Վերարտադրողական կենտրոնում հարյուրավոր զույգեր են հետազոտվում: Անպտղության բուժման պետական ծրագիրը հնարավորություն է տալիս IVF պրոցեդուրան անվճար անել։ Հոգնեցուցիչ է միայն անձնագիր, սոցիալական քարտ ու բնակության վկայական ունենալը։
«Հեռախոսով բացատրում ենք, որ մինչև 36 տարեկան կանայք կարող են դիմել անվճար IVF ընթացակարգին մասնակցելու համար, իսկ 36-ից 42 տարեկան կանայք կարող են դիմել բեղմնավորման համար։ Բուժող բժշկի հետ արդեն այլ հարցեր են լուծում»,- ասել է ընդունարանի աշխատակից Լիլիա Զուռնաչյանը։
Նախկինում առաջնային ախտորոշման համար պետք է վճարվեր 600.000 դրամ, որը կազմում է ավելի քան 100.000 ռուսական ռուբլի։ Իսկ ընթացակարգն ինքնին արժե գրեթե 250 հազար ռուբլի, և միջինը 30 հազար ռուբլի միջին եկամուտ ունեցող ընտանիքների համար այդ գումարներն անտանելի են։
«Մեր երկրում ժողովրդագրական մեծ խնդիրներ ունենք։ Ծնելիությունը 1,6 տոկոս է, ինչը նշանակում է, որ մեր բնակչությունն անգամ չի կարող վերարտադրվել։ Ընդ որում ամեն յոթերորդ զույգը տառապում է անպտղությամբ, իսկ անպտղություն չունեցողներն էլ քիչ երեխաներ են ունենում։ Այդ ամենը ծածկելու համար պետք է ամեն զույգ երեք-չորս երեխա ունենա»,- ասել է Հայաստանի գլխավոր վերարտադրողական մասնագետ Էդուարդ Համբարձումյանը։
Հայաստանում անպտուղ ընտանիքների աջակցության ծրագիրը գործում է 2019 թվականից։ Նախկինում դրանից կարող էին օգտվել սահմանամերձ շրջանների բնակիչները, զինվորական ընտանիքները և ամուսիններից մեկի առողջական սահմանափակումներ ունեցողները։ Այս տարվանից ծրագիրը մեկնարկել է բնակչության բոլոր խմբերի համար։
Նյութը հրապարակման պատրաստեց Կամո Խաչիկյանը
