Բաքվի ձայնը. «Դե լավ, թող ինչքան ուզում են բողոքեն»
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ Հայաստան տանող ճանապարհը փակվել է, Խանքենդի-Հայաստան ճանապարհին խցանումը ձգվել է մի քանի կիլոմետր։ Մինչ այս, ադրբեջանցի բնապահպանները բողոքի ակցիա էին սկսել Շուշայում՝ ընդդեմ ռուս խաղաղապահների ժամանակավոր վերահսկողության տակ գտնվող հանքավայրերի ապօրինի շահագործման։ Ներկաների պահանջները մնում են անփոփոխ՝ դադարեցնել բնական ռեսուրսների թալանը, ինչպես նաև ապահովել մուտքը դեպի Գըզըլբուլագ ոսկու հանքավայր և Դեմիրլիի պղնձամոլիբդենային հանքավայր։
Հայաստանի ԱԳՆ-ն Լաչինի միջանցքի շուրջ ստեղծված իրավիճակը համարել է նոյեմբերի 9-ի Ղարաբաղի վերաբերյալ եռակողմ հայտարարության խախտում։ Ցուցարարների մյուս պահանջը ռուսական խաղաղապահ ուժերի հրամանատար, գեներալ-մայոր Անդրեյ Վոլկովի ժամանումն է։
Ադրբեջանի էկոլոգիական կրթության և շրջակա միջավայրի մոնիտորինգի հասարակական ասոցիացիայի ղեկավար Գամզա Յուսուբովան ասել է, որ հավաքվածներն նրան կոնկրետ հարցեր ունեին, քանի որ անցած շաբաթ կազմակերպությանը թույլ չեն տվել մոնիտորինգ անցկացնել, Վոլկովը թող գա և խոստանա, որ բնապահպանները կարող են աշխատել Ադրբեջանի տարածքում, որտեղ հայեր են ապրում: Խանքենդիի գազալցակայաններում հերթեր են ավելանում: Ադրբեջանի ԱԳՆ-ն հայտարարել է, որ ադրբեջանական կողմը պատրաստ է բավարարել ադրբեջանական տարածքներում բնակվող հայազգի բոլոր քաղաքացիների մարդասիրական կարիքները։
այդ ամենի մասին ադրբեջանցիների կարծիքները սոցիալական ցանցերում:
«AAF» հեռագրային ալիքի բաժանորդներն իրենց կարծիքն են հայտնել:
Ruslan Aliev. Անցակետի օրինականացու՞մ: Ոչ, ուղղակի շարունակվում է հայերի և ռուսների թալանչի գործունեության ապալեգիտիմացումը։ Իսկ Լաչինի անցակետը ցանկացած կողմից օրինական է ու լեգիտիմ։
Albert77766543. Մեր փախստականները 30 տարի ապրել են առանց տների, իսկ մենք խղճում ենք նրանց, ովքեր վռնդել են նրանց, հոսանք ու գազ ենք տալիս:
Enot_gugenot: Ողբում են. ահաբեկչություն, էթնիկ զտումներ, հումանիտար աղետ... Դուք այդ ամենն անում եք արդեն 30 տարի: Հիմա տեսեք թե ինչ է դա:
obyektiv10. Այո, մենք խաղաղություն ենք կնքել ռուսների հետ, բայց դա գողանալու և թալանելու համար չէ: Մեր ձեռքերը կապված են, լավ, ուրեմն սա հանրության խնդիրն է։ Ո՞վ է Վոլկովը: Ի՞նչ կարող է նա որոշել։ Ոչինչ՛: Իհարկե, վտանգ կա, որ նյարդերը չեն դիմանա, և ազնիվ խոսք, այս ամենից հայերը 100 տոկոսով շահում են։
Ադրբեջանցիների մեկնաբանությունները «UDudaka» հեռագրային ալիքում:
Mehdi. Եթե բոլորին թողնենք անցնեն, այդ թվում հայկական մեքենաներին, ապա ես չեմ հասկանում, թե ո՞րն է նպատակը։ Պարզապես բողոքե՞ք: «Դե, ինչքան ուզում են, թող բողոքեն»,- կարող է մտածել հայկական կողմը։ Իսկ ի՞նչ է լինում բողոքից։ Բացարձակ ոչինչ։ թեկուզ մինչև 25 թվականը բողոքեն։ Բոլորն անցնում են, կյանքը եռում է, կարելի է գնալ Հայաստան և հետ գնալ։
BlackScorpion. Այսպես երկար շարունակվել չի կարող: Ամենայն հավանականությամբ, անցակետի հետ կապված հարցը զուգահեռաբար լուծվում է: Վաղուց ժամանակն է:
Rusten. Բայց մենք չենք ստուգում: Իսկ իրենց այդ խորամանկությունները՝ քաղաքացիական հագուստով գալ ու զինվորական համազգեստ հագնել, ինչու՞ են անցնում։
Lady. Բնապահպաններն այնտեղ ընդմիշտ չեն մնա: Մինչ նրանք այնտեղ կանգնած են, որոշվում են այլ կետեր։ Այսպիսով, շուտով ամեն ինչ կլինի:
Rudl Ruh. Դա կասեցնելու միայն մեկ ճանապարհ կա՝ արգելել Հայաստանի քաղաքացիների մուտքը Ղարաբաղ: Ժամանակը ցույց կտա հետագան: Կլինի լիակատար զինաթափում: Կան հսկողության բազմաթիվ միջոցներ:
Alik. Ես այդպես էի կարծում, բնապահպանները ռեֆլեքսիվ կառավարման տարր են, որպեսի ուշադրությունը շեղեն անկարևոր տարածքում «...միայն թե ինձ փշի թփի մեջ մի գցեք»։
Аli Нadji. Վոլկովը սկզբունքորե՞ն չի ներկայանում, թե՞ պարզապես ասելիք չունի:
Mehbek94. Իսկ եթե նա (Վոլկովը) շարունակի անտեսել մեր պիկետները և երկար ժամանակ չներկայանա, ապա ի՞նչ:
Руфат. Աստված իմ: Դե ինչո՞ւ ոչ ոք չի հասկանում, որ այս հարցում, կոնկրետ իրավիճակում Վոլկովը մեր դաշնակիցն է։ Չէ՞ որ դա շատ հստակ ասել է նախագահի արտաքին հարաբերությունների օգնականը: Ճանապարհը փակվել է Ռուսաստանի Դաշնության արդարադատության նախարարության կողմից։ Դե, ինքներդ եզրակացություններ արեք, պարոնայք։
Phantom. Ես առաջին օրվանից ասում եմ՝ միայն անցակետը կլուծի բոլոր հարցերը։
Натаван Сабирова. Այսինքն երեկ պիկետի ժամանակ անցած մեքենաները մերոնց կողմի՞ց են ստուգվել, թե՞ հին «բեսպրեդելի» մեթոդով են անցել։
zurik111. Իհարկե, այս իրավիճակը պետք է ավարտվի Լաչինի անցակետի ստեղծմամբ։
Նյութը հրապարակման պատրաստեց Կամո Խաչիկյանը
