Վարչախումբը հանրությանը շեղելու նորթ առիթ է ստացել

Գործող վարչախումբը հանրության ուշադրությունը շեղելու հերթական առիթն է ստացել։ «Հանուն հանրապետության» կուսակցության նախագահ Արման Բաբաջանյանը տեղեկություն է տարածել, որ Պաշտպանության նախկին նախարար Վիգեն Սարգսյանը 2 միլիոն դոլարով առանձնատուն է գնել ԱՄՆ Մասաչուսեց նահանգում։

Ավելի ուշ №աստերի ստուգման հարթակը հրապարակել է լուսանկարներ և բաց աղբյուրներից փաստաթղթերի հիման վրա հաստատել, որ Վիգեն Սարգսյանն իսկապես այս տարվա մայիսին տուն է գնել Միացյալ Նահանգներում։ Ինքը՝ Վիգեն Սարգսյանը, տեղեկությունը չի հերքում, ավելին, նա հայտնել է, թե չի թաքցրել իր գործարքը և իր տան հասցեն անձամբ է հայտնել Հայաստանի պատկան մարմիններին, անհրաժեշտության դեպքում իր հետ կապ հաստատելու հնարավորություն տալու համար։

«Գրեթե 5 տարի չհանդիսանալով հանրային ծառայող՝ աշխատում են ԱՄՆ-ում՝ տեղեկատվական տեխնոլոգիաների ոլորտի ընկերությունում, ունեմ կայուն եկամուտ, 3 տարի վարձով բնակվելուց հետո, կնոջս հետ կայացրինք ծանր որոշում վաճառելու 2013 թվականին՝ այսինքն իմ պաշտպանության նախարար լինելուց 3 տարի առաջ ձեռք բերած մեր բնակարանը Երևանում և մեր բնակության համար այստեղ տուն ձեռք բերել»,- ասել է Վիգեն Սարգսյանը։

Փաստը, որ առնվազն ամիսներ շարունակ գործող իշխանությունները տեղյակ են եղել Վիգեն Սարգսյանի կողմից ԱՄՆ-ում տուն գնելու մասին և որևէ կերպ չեն հայտնել, միայն այժմ են այդ մասին իբր սկանդալային հրապարակում անում, վկայում է, որ գործող իշխանությունների համար ևս մեկ թեմա է դարձել հանրության ուշադրությունը երկրի առջև ծառացած խնդիրներից շեղելու, «նախկիններ-ներկաներ» դիսկուրսը թեժացնելու և Հայաստանի նախկին պաշտոնյաներին կաշառակերության կամ թալանի մեջ մեղադրելու համար։

Ամենևին էլ չենք ցանկանում արդարացնել Վիգեն Սարգսյանի քայլը, որ պաշտպանության նախարարը լքել է հայրենիքը և հաստատվել Միացյալ նահանգներում, իրականում խնդիրն այն է, որ սա ընդամենը փաշինյանական վարչախմբի համար առիթ է ևս մեկ անգամ նախկինների վրա ցեխ նետելու, սեփական ապիկարությունը արդարացնելու համար։

Աննա Նադոյան