Ալեն Սիմոնյանն անուղղակի հաստատել է, որ Ռուսաստանում խոսակցությունը կոշտ է եղել
ՎԵՐԼՈՒԾՈՒԹՅՈՒՆՆԵՐ
Ռուսաստանի մայրաքաղաք Մոսկվայում 4 օր ունեցած հանդիպումներից հետո, Ազգային ժողովի նախագահ Ալեն Սիմոնյանը երեկ վերադարձել է Հայաստան և անմիջապես հանդիպել Արցախի պատվիրակությանը՝ նախագահ Արայիկ Հարությունյանի գլխավորությամբ։
Հանդիպումից հետո տված ճեպազրույցում Ալեն Սիմոնյանն արել է մի շարք հայտարարություններ, որոնք միանգամայն ապացուցում են մեր լրատվամիջոցի նախկինում արած պնդումներ, թե՛ մասնակի իշխանափոխության հնարավորության և թե ՛ «Քաղաքացիական պայմանագիր» կուսակցության շրջանում առկա լուրջ տարաձայնությունների մասին։
Մասնավորապես, Ալեն Սիմոնյանը անուղղակի կերպով հաստատում է, որ Ռուսաստանում բավականին լուրջ և կոշտ խոսակցություններ է ունեցել։ Հայտարարել է, թե Ռուսաստանում ավելի շատ կենտրոնանում են, թե ինքն ինչ հարցազրույց է տվել և ինչու է քննադատել ռուսներին։
«Ներողություն եմ խնդրում, ես դրա պատասխանները մի քիչ շատ ավելի ունեմ, ներկայացրել եմ և այստեղ էլ կարող եմ կրկնել, որ մենք սպասում ենք ու ալնկալում ենք ավելի լայն ներգրավվածություն Ռուսաստանի կողմից»,- ասել է ԱԺ նախագահը՝ փաստացի հաստատելով, որ ռուսները բավականին լուրջ արգումենտներ են ունեցել իրենք դրանք ներկայացնելու և իր տեսակետները լսելու մասով։
Սիմոնյանը նաև հայտարարաել է, թե Հայաստանը դեմ չէ հայ-ադրբեջանական սահմանին ՀԱՊԿ դիտորդական առաքելության տեղակայմանը։ Մինչդեռ Հայաստանի գործող իշխանությունները որևէ կերպ առայժմ չեն անդրադարձել ՀԱՊԿ միջնորդական առաքելությանը, ընդհակառակը Նիկոլ Փաշինյանը երեկ Աստանայում բավականին լուրջ քննադատության է ենթարկել ՀԱՊԿ-ին ՝ նշել, թե այդ կառույցի հայտարարությունների պատճառով լղոզում է դրա ֆունկցիոնալիղնը, նույնիսկ համարձակվել է արգելափակել ԱՊՀ –ն ՀԱՊԿ-ում որպես դիտորդական կազմակերպություններգրավվելու առաջարկը։
Փաստացի, Ալեն Սիմոնյանի խոսքերից կարելի է տպավորություն ստանալ, որ նրա հետ բավականին ուշագրավ հանդիպումներ են ունեցել։
Հիշեցնենք, նշել էին թե այսօրվա ընթացքում ընդամենը մի քանի պաշտոնական լուսաբանվող հանդիպում է ունեցել, որից բացի նաև հանդիպել է ուժայի որոշ կառույցների ներկայացուցիչների հետ։
Ռուսաստանն այս վերջին շրջանում բացարձակապես ցանկություն չունի համագործակցել Նիկոլ Փաշինյանի հետ։ Մտմտում է Հայաստանում մասնակի իշխանափոխություն անելու, իշխանությունը քաղաքացիական պայմանագրի որևէ այլ ներկայացուցրին հանձնելու հարցը։ Իսկ որպես տրանզիտային ժամանակավոր վարչապետ քննարկվում է Ալեն Սիմոնյանի թեկնածությունը։
Վերջինս թերևս ինքն էլ այնքան դեմ չէ նման զարգացումներին, սեփական կենսագրությունում ՀՀ վարչապետի նշումը ունենալու, այն իշխանությունը հանձնելուց հետո օգտագործելու համար։
Մարիամ Սարդարյան
