Փաշինյանի հերթական սուտը բացահայտվեց. ինչպես են խաբել ընտրողներին

Մեկ տարի առաջ «Քաղաքացիական պայմանագիր» կուսակցությունը նախընտրական ծրագիր էր ներկայացրել, որում իր ընտրողներին էր ներկայացնում այն ռազմավարական ծրագրերը, որոնք ի կատար էր ածելու՝ ընտրություններում հաղթելու դեպքում: «Քաղաքացիական պայմանագիր» կուսակցության ծրագրում, մասնավորապես, ներկայացված էր, թե ինչ է արվել վերջին 3 տարիների ընթացքում և ինչեր են արվելու։ Հիմնականում հայտնի միջոցառումներ են՝ շինարարություն, ներառական կրթություն, թվայնացում։ Միակ ոչ ստանդարտ առաջարկն այն է, որ առաջարկվում է տարբեր միջոցառումներով, այդ թվում՝ պետական պատվերի միջոցով մշակել և ներդնել տարածաշրջանային լեզուների մասնագիտացում բուհերում:

ՔՊ-ականները միամտաբար մոռացել էին հիշատակել,որ մինչ այդ կայսերական ծրագրերի իրականացումը իրենք նախ և առաջ ՝ առաջ են քաշելու մի շարք ԲՈՒՀ-ի միավորման և մայրաքաղաքից դուրս տեղափոխելու ծրագիրը, որը դժվար է ասել, թե ինչով է նպաստելու կրթության որակի բարելավմանը: Դիցուք՝ այսօր տեղեկություն տարածվեց, որ Բրյուսովի անվան համալսարանը միավորվելու է Մանկավարժական համալսարանի հետ, դե իսկ շենքն էլ մի նպատակով կօգտագործեն՝ կգտնեն նպատակը: Բնականաբար, համալսարանների ուսանողները դեմ են և իհարկե հարց է առաջանում՝ իսկ եթե նրանք նախապես, մեկ տարի առաջ տեղեկացված լինեին, որ ՔՊ-ն այս ծրագրերն  է իրականացնելու, ոչ թե նախընտրական բուկլետներում գրված բաժակաճառերը, իրենց քվեն կտա՞յին ՔՊ-ին, թե ամեն դեպքում՝ ոչ...