Կարեն Անդրեասյանը քանդում է ԲԴԽ-ն
ՎԵՐԼՈՒԾՈՒԹՅՈՒՆՆԵՐ
Արդարադատության նախկին նախարար Կարեն Անդրեասյանի՝ Բարձրագույն դատական խորհուրդ գործուղելու և ԲԴԽ նախագահ դառնալու հանգամանքը վկայում էր, որ Հայաստանի գործող իշխանությունները որոշել են լուրջ հարված հասցնել դատական իշխանությանը։ Առաջին հերթին լուրջ հարված հասցվում է հենց Բարձրագույն դատական խորհրդին։
Տակավին, մի քանի օրում Անդրեասյանը հասցրել է այլևս անտանելի պայմաններ ստեղծել ԲԴԽ -ում, որ նույնիսկ ԲԴԽ նախագահի ընտրության ժամանակ իրենց ձայներ տված Գրիգոր Բեքմեզյանը երեկ ստիպված է եղել հրաժարականի դիմում ներկայացնել և հրաժարվել ԲԴԽ անդամի լիազորություններից։
«Ցավոք վերջին մեկ շաբաթվա գործընթացները՝ ներառյալ այսօրը, ինձ համար հիմնովին ապացուցեցին, որ Բարձրագույն դատական խորհուրդի անկախության մասին իմ և խորհրդի անդամների մեծամասնության պակերացումները իրար չեն համապատասխանում ։ Վերլուծելով վերջին մի քանի ամսվա իրադարձություննեը, նաև վերջին մեկ շաբաթվա գործընթացները ՝ համոզվեցի, որ Բարձրագույն դատական խորհուրդն այլևս այն խորհուրդը չէ, որը նախատեսված է Սահմանադրությամբ և դատական օրենսգրքով»,- գրել է Բեքմեզյանը։
Իհարկե, տարիներ շարունակ աշխատելով Գագիկ Ջհանգիրյանի ձեռքի տակ՝ Բեքմեզյանը բնավ էլ աչքի չի ընկել սկզբունքային կեցվածքով, մեր աղբյուրի փոխանցմամբ, շատ ժամանակ էլ քվեարկել է այնպես, ինչպես նրան հանձնարարել է Գագիկ Ջհանգիրյանը, կամ օրվա իշխանությունը։
Ամենայն հավանականությամբ նրա և Անդրեասյանի միջև սև կատու է անցել անձնական ամբիցիաների պատճառով։
Նշվում է, որ թե՛ Բեքմեզյանը, թե՛ խորհրդի այլ անդամներ ցանկություն ունեին իրենք օգտագործել փաշինյանական իշխանության հետ իրենց կապերը և դառնալ ԲԴԽ նաագահ, բայց Նիկոլ Փաշինյանը նախընտրեց ԲԴԽ նաագահ դարձնել Կարեն Անդրեասյանին՝ այնտեղ գործուղելով նաև նրա տեղակալ Երանուհի Թումանյանցին։
Առաջիկայում նաև ԲԴԽ է գործուղվելու Կարեն Անդրեասյանի մտերիմներից ևս մեկը,չի բացառվում, որ հենց Բեքմեզյանի փոխարեն։ Անդրեասյանը մտադիր է խորհուրդը բացառապես իրեն հավատարիմ կադրերով լցնել, դատավորներին ճնշել, որպեսզի կարողանա ամբողջությամբ փաշինյանական իշխանության վերահսկողության տակ մտցնել դատավորներին։
Արդեն նշել ենք, որ դաական համակարգից մեծ արտահոսք է սպասվում, իսկ Ալեքսանդր Ազարյանի հրաժարականից հետո, հոռետեսական տրամադրություններ դատավորների շրջանում ավելացել են։
Լինա Արամյան
