Ուկրաինային կարող են մատակարարվել ATACMS ընդլայնված հեռահարության հրթիռներ
ՄԻՋԱԶԳԱՅԻՆ
Sm.news-ը գրում է, որ ճեպազրույցի ժամանակ Պենտագոնի մի բարձրաստիճան պաշտոնյան խոստովանել է, որ Վաշինգտոնը Ուկրաինային մատակարարել է HARM հակառադարային հրթիռներ։ Սակայն կոնկրետ այդ զենքը ուղղակիորեն չի անվանվել։ Այն կոչվել է «հակառադարային հնարավորություններ ունեցող»։
Իր հերթին Yahoo News պորտալը նույնպես ենթադրում էր, որ ԱՄՆ-ն Ուկրաինային կտտրամադրի ATACMS ընտանիքի ղեկավարվող օպերատիվ-տակտիկական բալիստիկ հրթիռներ։ Politico հրատարակությունն էլ նշում է, որ եթե դա ճիշտ է, ապա դա հակասում է ԱՄՆ-ի վարչակազմի պաշտոնական հայտարարություններին։ Ամերիկյան թերթի աղբյուրները հայտնում են նաև, որ ռազմական օգնության նոր փաթեթում ներառվել են նաև Excalibur կառավարվող հրետանային արկերը։ Սակայն այդ արկերը ևս պաշտոնապես ոչ մի տեղ չեն նշվել։
Ինչպես պարզել է Politico-ն, զենքերի պաշտոնական ցանկում կա լրացում առ այն, որ Կիևին մատակարարվող զենքերը «չեն սահմանափակվում» միայն կից ցանկում նշվածներով։
«Մենք ընդունում ենք, որ այս ամենը շահարկում է: ԱՄՆ-ի վարչակազմում ոչ ոք չի հաստատել և նույնիսկ ակնարկել Ուկրաինային զենքի գաղտնի մատակարարումների առկայության մասին: Եթե նույնիսկ նրանք լինեին, դժվար թե նրանք (ԱՄՆ իշխանությունները) մեզ պատմեին այդ գաղտնի որոշման մասին», - հաղորդել է ամերիկյան հրատարակությունը:
Նյութը հրապարակման պատրաստեց Կամո Խաչիկյանը
