«Ոչ մի վտանգ չկա, մտել, նայել ենք, մարդիկ վարկեր ունեն, աշխատակիցների են կորցնում»․ «Փեթակ»-ի աշխատակիցները պահանջում են թույլատրել վերսկսել իրենց աշխատանքը
ՀԱՍԱՐԱԿՈՒԹՅՈՒՆ
«Փեթակ» առևտրի կենտրոնի աշխատակիցները և տնտեսվարողները վաղ առավոտից բողոքի ակցիա են իրականացնում։ Լրագրողների հետ զրույցում նրանք նշեցին, որ ցանկանում են աշխատել, սակայն իրենց թույլ չեն տալիս։
«Տնօրինությանը հարցնում ենք, երբ ենք աշխատելու, ասում են տեղեկություն չունենք, ասում են վերևներից պետք է ասեն, թե ովքեր են վերևները, չեն նշում։ Մենք խնդիրների առաջ ենք կանգնում, մեր աշխատողները արդեն սկսել են այլ աշխատանք փնտրել, մի ամսից, որ բացվի, աշխատակիցների խնդիր ենք ունենալու, վարկեր, հարկեր ունենք վճարելու, ո՞վ է փոխհատուցելու այդ ամենը»,- ասաց տնտեսվարողներից մեկը։
Մեկ այլ տնտեսվարող նշեց, որ քիչ առաջ հանդիպել են ԱԻ նախարարի հետ և առաջարկել առևտի կենտրոն մտնող ճանապարհը պայմանականորեն կիսել։
«Մի հատվածում թող աշխատեն փրկարարները, իսկ մյուսը մենք կմաքրենք կաշխատեցնենք, ոչ մի աշխատանքի մենք չենք խոչընդոտելու։ Նախարարը տվել է իր համաձայնությունը ճանապրհը կիսելու վերաբերյալ։ Հիմա ասում են քննիչները պետք է թույլ տան։ «Փեթակ» առևտրի կենտրոնւմ ոչ մի վտանգ չկա, մտել նայել ենք, թող թողնեն աշխատնեք, մարդիկ վարկեր ունեն, վճարումներ ունեն։ Շրջակա բոլոր առևտրի կենտրոնները աշխատում են, բացի «Փեթակից», այս ընթացքում կրել ենք ֆինանսական, տնտեսական վնասներ»,- ասաց «Փեթակ» առևտրի կենտրոնի աշխատակիցներից մեկը։
