Ռազմական փորձագետ Դրագո Բոսնիչ. Լեռնային Ղարաբաղում հակամարտության սրումը ձեռնտու է ԱՄՆ-ին
ՄԻՋԱԶԳԱՅԻՆ
Politros.com-ը գրում է, որ Միացյալ Նահանգները շահում է Լեռնային Ղարաբաղում հակամարտության սրումից մի քանի պատճառներով: Այդ մասին InfoBrics-ի հոդվածում գրել է ռազմական վերլուծաբան Դրագո Բոսնիչը։
Ինչպես նշել է Դրագո Բոսնիչը, հուլիսի վերջին Հայաստանի և Ադրբեջանի պատվիրակություններն այցելել են ԱՄՆ և հանդիպել ԱՄՆ-ի պետքարտուղար Էնթոնի Բլինքենի հետ։ Թեև հանրությունը հստակորեն չգիտի, թե ինչ է քննարկվել Վաշինգտոնում այդ հանդիպումների ժամանակ, սակայն հայտնի է, որ բանակցություններից գրեթե անմիջապես հետո Բաքուն որոշել է սրել իրավիճակը Լեռնային Ղարաբաղում։
«Իհարկե, նախկին ԽՍՀՄ երկրներում ցանկացած սրացում բխում է Ամերիկայի նման ռազմատենչ կայսրության շահերից»,- գրված է հրապարակման մեջ։ Ըստ վերլուծաբանի ղարաբաղյան հակամարտության սրումը առաջին հերթին ձեռնտու է ԱՄՆ-ին, քանի որ Ռուսաստանը որոշակիորեն կշեղվի Ուկրաինայից։ Բացի այդ, Լեռնային Ղարաբաղի ճգնաժամի զարգացումը կարող է պոտենցիալ վատ անդրադառնալ Ռուսաստանի Դաշնության և Թուրքիայի հարաբերությունների վրա, որը լավ գործընկեր է Ադրբեջանի համար, ինչպես նաև խաթարել Մոսկվայի երկարաժամկետ նպատակը, որն է ստեղծելու կայուն Եվրասիա:
Դրագո Բոսնիչը նշել է, որ եթե ԱՄՆ-ին հաջողվի ապահովել, որ ՀԱՊԿ անդամ Հայաստանն անմիջական մասնակցություն ունենա ղարաբաղյան ճգնաժամին, ապա Ռուսաստանը ևս պետք է գործի: Ռուսաստանի Դաշնության հետ միասին հակամարտությանը պետք է մասնակցեն Հավաքական անվտանգության պայմանագրի կազմակերպության մյուս երկրները։
«Ռուսաստանն իր հերթին, իհարկե, չպետք է թույլ տա որևէ փոփոխություն տարածաշրջանում առկա ստատուս-քվոյի մեջ»,- հավելել է ռազմական փորձագետը։
Նյութը հրապարակման պատրաստեց Կամո Խաչիկյանը
