Երևան. թարմ խմորեղենի բույր, Սևանա լիճ և հնագույն տաճարներ
ՀԱՍԱՐԱԿՈՒԹՅՈՒՆ
Antennadaily.ru-ն գրում է, որ կարելի է ինքնաբուխ որոշում կայացնել և թռչել Հայաստան։ Ուղիղ թռիչքը կտևի ընդամենը չորս ժամ, և ձեզ հյուրընկալորեն կդիմավորի Երևանի Զվարթնոց օդանավակայանը, որը կոչվել է ի հիշատակ մի հնագույն կոթողի:
Հայաստան մուտքի արտոնագիր պետք չէ, ուստի ձևականությունները նվազագույն են։ Քաղաքի կենտրոն մեքենայով մոտ 30 րոպե է, ճանապարհն անցնում է լեգենդար Արարատ գործարանի մոտով, իսկ հորիզոնում ցածր ամպերի մեջ բարձրանում է համանուն գագաթը։ Օդը, ինչպես և հարկն է լեռնային է, թարմ ու թափանցիկ։ Ցանկություն է լինում խորը շնչել և համտեսել այն. այն այնտեղ խառնված է թարմ խմորեղենի, թանձր օծանելիքի և ծխախոտի բույրերով:
Երևանի կենտրոնը բավականին ընդարձակ է, ունի ժամանակակից ցանցային հյուրանոցներ, միջազգային և տեղական բրենդների գերժամանակակից խանութներ, ինչպես նաև անհամար քանակի սրճարաններ ու ռեստորաններ։
Հայաստանի հետ ծանոթությունը պետք է սկսել ռեստորաններից։ Իհարկե, պետք է փորձել հայկական խոհանոցը՝ Անդրկովկասի ամենահին խոհանոցը։ Խմորման և թխման գործընթացների մասին հայերը գիտեին դեռ 2500 տարի առաջ, և շատ դարեր շարունակ հայկական շատ ուտեստներ պատրաստելու ավանդույթները մնացել են անփոփոխ։ Ավանդույթների շարունակականությունը դրսևորվում է, օրինակ, հին խոհանոցային պարագաների օգտագործման և ուտելիք պատրաստելու տեխնոլոգիայի մեջ։
Անպայման արժե այցելել օրիգինալ «Անուշ» ռեստորանը, որտեղ Հայաստանի տարբեր շրջանների բաղադրատոմսերն են ներկայացված՝ տարատեսակ աղցաններ, տեղական իշխան և այն, ինչ այստեղ անվանում են մանտի, բայց իրականում դրանք մսով բաց պելմենիներ են, ջեռոցում թեթևակի տապակած: Մեկ բաժինը, պետք է ասել, հսկայական է և բավարար երկուսի համար:
Մեկ այլ ռեստորան է Ամիրյան բանուկ փողոցում գտնվող «Անուշ»-ի նման ընդարձակ ու հյուրընկալ «Շերեփ»-ը։ Մեծ պատուհանների մոտ գտնվող թոնիրում պատրաստում են համեղ ուտեստներ, որոնց դիմակայելն անհնար է։ Ճաշացանկը ունի նախաճաշի բաժին և տեղական ուտեստների տպավորիչ ցանկ:
Առանձնահատուկ հիշատակման են արժանի Հայաստանի գինիները. Հայաստանում կան և՛ ավտոխոն, օրինակ՝ Սպիտակ ոսկեհատը, և՛ եվրոպական խաղողների տեսակներ, որոնցից պատրաստվում են հնեցված և փրփրուն գինիներ՝ յուրաքանչյուրի համար ըստ ճաշակի և փողի։ Հատկանշական է սպիտակ գինիների առանձնահատուկ հանքայնությունն ու բույրը և կարմիրի ընդգծված դաբաղանյութերը։
Երևանում կարելի է երկար զբոսնել զբոսայգիներում, հիանալ ուշ խորհրդային շրջանի անծայրածիր հուշարձաններով և հստակ տեղական ոճի շենքերի հատուկ ճարտարապետությամբ։ Թանգարաններից անպայման պետք է այցելել Սերգեյ Փարաջանովի տուն-թանգարան։ 30 տարի առաջ բացված թանգարանը քաղաքի մշակութային կենտրոններից է և հայտնի է իր ցուցանմուշներով, գիտական աշխատանքներով և ընդունելություններով։
Իսկ ազատ օրը կարելի է տաքսի նստել և գնալ դեպի հայտնի Սևանա լիճը, որն ամենամեծն է Կովկասում։ Հայաստանը փոքր երկիր է, ուստի ընդամենը մեկ-երկու ժամում կարող եք մեքենայով հասնել Երևանի շուրջը գտնվող հետաքրքիր վայրերը:
Սևանից վեր բարձրանում է 9-րդ դարի Սևանավանք հնագույն վանքը, որը բաղկացած է լեռան գագաթին գտնվող երկու եկեղեցիներից։ Ստիպված կլինեք աստիճաններով բարձրանալ զառիթափ սարը, բայց արժե դա անել: Այստեղից բացվում է հիասքանչ տեսարան դեպի լիճը և շրջակա լեռները, իսկ քամին խփում է քեզ բոլոր կողմերից։ Տաքանալու համար պետք է վանք մտնել, այն հարմարավետ է, մռայլ և ջերմ՝ զոհասեղանի մոտ վառվող մոմերի բոցից: Մեկ այլ հնագույն վանք է Հաղարծինը, որը գտնվում է լեռների վրա՝ Դիլիջան ազգային պարկի մոտ։
Կարելի է թռչել Երևան հանգստյան օրերին, մեկ շաբաթով կամ ողջ կյանքի ընթացքում, և այնտեղ երբեք չձանձրանալ։
Նյութը հրապարակման պատրաստեց Կամո Խաչիկյանը
