Ամերիկացի սպան «Տերմինատորին» անվանել է Ռուսաստանի գաղտնի զենք Ուկրաինայում հատուկ գործողության ժամանակ
ՄԻՋԱԶԳԱՅԻՆ
Fbm.ru-ն գրում է, որ ամերիկացի սպա Բրենտ Իսթվուդը 19FortyFive-ի իր հոդվածում «Տերմինատոր» տանկերի աջակցության մարտական մեքենաները, որոնք արտադրվում են «Ուրալվագոնզավոդում», անվանել է ռուսական գաղտնի զենք: Փորձագետի խոսքով այդ , տանկերի աջակցության մարտական մեքենաները բառացիորեն «հետևում են» T-72 և T-90 տանկերին բարելավելով զրահատեխնիկայի կողմից մանևրելի մարտական գործողություններ իրականացնելու հնարավորությունները: Թշնամու հետևակայինների գործողությունները ճնշելու համար «Տերմինատոր»-ն օգտագործում է վազող զանգվածային կրակ: Դյուրակիր հակատանկային սարքերով զինված զինվորները հայտնվում են ճնշված վիճակում, և քանի դեռ տանկերի աջակցության մարտական մեքենաները իրենց վրա են ուղղում հակառակորդի կենդանի ուժը, տանկերը կարողանում են առաջ շարժվել ճեղքելով հակառակորդի պաշտպանական գծերը: Իսթվուդը նշել է, որ այդ մեքենաները հագեցած են վերջին երրորդ սերնդի «Ռելիկտ» պաշտպանության սարքավորումներով, ինչպես նաև ունեն զրահ, որը առկա է ժամանակակից ռուսական տանկերի վրա։ Սպան խոստովանել է, որ տպավորված է «Տերմինատոր»-ի սպառազինությամբ։ Տանկերի աջակցության այդ մարտական մեքենան ունի երկու 30 մմ 2A42 թնդանոթ, որոնք կարող են մեկ վայրկյանում տասը կրակոց արձակել։ Բացի դա զինանոցում առկա են «Ատակա» տիպի կառավարվող հրթիռներ և ականանետեր։
Նյութը հրապարակման պատրաստեց Կամո Խաչիկյանը
