Չինաստանը որոշել է արագացնել մոլորակի փրկությունը

Lenta.ru-ն գրում է, որ Չինաստանը որոշել է արագացնել անցումը դեպի կանաչ էներգիա և ավելացնել վերականգնվող էներգիայի աղբյուրների  մասնաբաժինը էլեկտրաէներգիայի արտադրության մեջ և մինչև 2025 թվականը այն հասցնել 33 տոկոսի 2020 թվականի 28 տոկոսի դիմաց։ Այս մասին հայտնել է Reuters գործակալությունը՝ հղում անելով Չինաստանի իշխանությունների ոլորտի զարգացման նոր հնգամյա ծրագրին։

Մինչև 2025 թվականը Չինաստանում կանաչ էներգիայի ընդհանուր սպառումը կկազմի մոտավորապես մեկ միլիարդ տոննա ածուխին համարժեք՝ մոլորակը կլիմայական փոփոխություններից կանխելու նպատակով:

Կլիմայի պահպանման ակտիվիստները հույս ունեին, որ Պեկինը նաև կսահմանի սպառման հատուկ սահմանափակումներ, որոնք պետք է նպաստեն ջերմոցային գազերի արտանետումների ընդհանուր կրճատմանը: Պաշտոնական նպատակ դեռ չի սահմանվել, սակայն վերականգնվող էներգիայի թվերը ցույց են տալիս, որ կանաչ էներգիայի ընդհանուր սպառումը մինչև 2025 թվականը կկազմի հինգ միլիարդ տոննա ածխին համարժեք:

Տվյալները նաև ցույց են տալիս, որ վերականգնվող աղբյուրները կկազմեն 2021-2025 թվականներին էներգիայի սպառման ընդհանուր աճի կեսը, սակայն Պեկինը, էներգետիկ անվտանգության նկատառումներից ելնելով, պահպանելու է ավանդական հանածո վառելիքի էլեկտրակայաններ կառուցելու տարբերակը:

Չինաստանը համարվում է ջերմոցային գազերի արտանետումների առաջատարը, որոնք գլոբալ տաքացման հիմնական պատճառն են։ Մթնոլորտի վրա բացասական ազդեցությունը նվազեցնելու համար երկիրը պարտավորվել է մինչև 2030 թվականը ավելացնել արևային և հողմային էլեկտրակայանների հզորությունը մինչև 1200 գիգավատ: Նրանք ցանկանում են հասնել իրենց նպատակներին՝ հիմնականում չօգտագործվող տարածքներում արևային մարտկոցներ և հողմային տուրբիններ տեղադրելով։


Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորության և արժեքի վերաբերյալ։
Զանգահարեք`  87-57, (010) 44-00-55
էլ. փոստ`  [email protected]