«Կոմպրոմատների պայմանագիր»․ Ինչպես են կրնկի տակ պահում պատգամավորներին
ՎԵՐԼՈՒԾՈՒԹՅՈՒՆՆԵՐ«Քաղաքացիական պայմանագիր» կուսակցության որոշ ներկայացուցիչների վարքը ստիպում է մտածել, թե երիցս ճիշտ էր իրենց նախկին թիմակից Արսեն Ջուլֆալակյանը, թե իշխանական թիմի բազմաթիվ անդամների սպառնում են անձնական բնույթի կոմպրոմատներով։
Ջուլֆալակյանի խոսքով, ՔՊ-ականներից որոշների հանդեպ կոմպրոմատներ կան, ընդ որում անձնական բնույթի․ «Պատկերացրեք մի քաղաքական թիմ, որի կոմպրոմատները անձնական են, սա զզվանք արտահայտող է, սա կցանկանամ լսեն նաև ՔՊ-ական մյուս երկրորդ կամ երրորդ էշելոնի անդամները, որպեսզի իմանան ինչպես կարող են նրանց հետ վարվել»,- նշել էր Փաշինյանի նախկին թիմակիցը։
Վերջին օրերին որոշ պատգամավորների վարքը վկայում է, որ նրանց պարզապես ստիպում են գտնվել դավադիրների հետ մի կապի մեջ։ Ընդ որում, մեր աղբյուրների փոխանցմամբ, նույն այդ կոմպրոմատները կան ոչ միայն Նիկոլ Փաշինյանի, այլև հատուկ ծառայությունների ձեռքում, իսկ այդ մարմիններում աշխատող բազմաթիվ մարդիկ սերտ կապեր ունեն ընդդիմության, ԶԼՄ-ների հետ, նաև բնազդաբար տանել չեն կարողանում փաշինյանական իշխանությանը։
Վերջին դեպքերը՝ կապված ձկնագող Նարեկ Գրիգորյանի, իր քաղաքացիական կնոջը դաժանաբար ծեծի ենթարկած Ռուստամ Բաքոյանի հետ, վկայում են, որ առաջիկայում ավելի մեծ թվով կոպրոմատների արտահոսման ականատեսն ենք դառնալու։ Ընդ որում, թե՛ Նարեկ Գրիգորյանը, թե՛ Բաքոյանը համարվում են փաշինայանական խմբակցության հիմնական ծեծող բրիգադը, հաճախ են հայտնվում ընդդիմության հետ ձեռնամարտի առաջին շարքերում։
Առաջիկայում կոմպրոմատների իսկական տարափ է սկսվելու, փաշինյանական իշխանությունը տեղեկություններ կտարածի չենթարկվողների, իսկ պետական համակարգում գործող իշխանությանը տանել չկարողացողները՝ Փաշինյանի առավել «հավատարիմ» անձանց նկատմամբ։
